Itxi
Euskadiren orografiak penintsula osoko kirol-eskaladarako txokorik onenetako batzuk ematen ditu. Atxarte, Mugarra edo Etxauri jarduera horren erreferentzia absolutuak dira. Eta, jakina, Gaubeako eskalada ere ez da atzean geratzen.
Araba Burgosen hego-mendebaldean sartzen den gunean, Valderejoko Parke Naturalaren atarian, euskal pioletzaleen paradisua dugu. Geldialdi ezin hobea da Euskadiko gatzik onena probatu ondoren!
Arabako eremu honetan inoiz egon ez bazara eta mendirako gogoz bazaude, gera zaitez hemen inguruan. Guuken, Gaubeako eskaladari buruz jakin beharreko guztia kontatuko dizugu; ibilbideak, lokalizazioak, zailtasunak eta beste.
Gasteiztik ateratzen bazara, Uribarri Gaubea da abiapuntua, beste 20 herri dituen udalerriko kapitala. Gesaltza-Añanatik mendebalderantz irten ondoren, Espejotik pasatuko zara...,eta, gero, beste herri honetara iritsiko zara.
Gaubeak Burgosko ipar-ekialdeko eta Arabako hego-mendebaldeko landa-eremuei egiten die erreferentzia. Duela mende asko, eremu hori autrigoiena zen. Izan ere, hemen zegoen antzinako Uxama Barca.
Gaur egun, eremu hori bere ekosistemagatik eta landa-balioagatik da ezaguna. Ermitak eta elizak, oinetxeak, Erdi Aroko dorreak eta geroagokoak daude hemen. Baina kirol bila datozenak kareharrizko hormei begiratzen diete.
1992an, Valderejoko Parke Naturala izendatu zuten, geografikoki Burgoseko mugan (Montes Obarenes-San ZadornilParke Naturala). Eskaladaren paradisu bat da, Purón ibaiak milurtekotan, Ebrora joan baino lehen, kare-harriaren gainean sortu duen arroilan zehar.
Ezer baino lehen, Guuk-ek eskatzen dizu inguruko araudi guztiak errespetatzea, eta baimendutako sektoreetan baino ez praktikatzea eskalada. Arauak hausteak ekosistema honda dezake eta inguru horretako fauna baliotsuari kalte egin diezaioke. Batez ere udan bazoaz.
Garrantzitsua⚠️: debekatuta dago sektoreetara autoz sartzea. Utzi autoa Uribarri Gaubeako aparkalekuan edo inguruko beste leku batean, eta, gero, oinez igo.
Gaubean 13 eskalada-sektore daude. Guztira, 190 bide baino gehiago dira, askotariko zailtasun-mailakoak. Zorionez, denak daude behar bezala seinaleztatuta. Abiatu aurretik, Uribarri Gaubeako eskalada-eskolan informatzea gomendatzen dizugu.
A, eta kontuz oporretako hilabeteetan, sektore gehienetan masifikazio handia aurkituko baituzu.
Camparekin batera, Valparaísoko eremu babestuenetako bat da. Burdin Aroko nekropoli bat dago hemen, eta hainbat barrunbe ditu horma batzuetan banatuta. Jarraibideei zorrotz eman behar zaie arreta.
Eskalatzeko 34 bide: 5c-tik 9a-ra
Gaubeako eskaladarekin batera, eremu babestuenetako bat da, balio arkeologikoa duelako. Hemen, hainbat horma harritsu daude, Peña de la Horcatik eta San Pedroren desnibeletik behera egiten dutenak.
Askoz ere sektore konplexuagoa da, eta, esperientzia handia izan ezean, saihestea gomendatzen dugu. Aurrerago badira bestelako zailtasunak onartzen dituzten beste bide ezagun batzuk. Arroka bere oinarrian hondoratzen da, eta bide ia-ia guztien hasiera zailtzen du.
Askoz sektore zabalagoa da, eta askotariko bideak ditu. Hemen, gehienezko altuera sarraldi luzeenetako 25 metroetara iristen da. Kontuan izan ezazu, zure erresistentzia neurtzeko. Baina, gainerakoan, aukera ezin hobea da txikienentzat.
22 bide: 6a-tik 8a-ra
Sektore hau arazorik gabe saltatu dezakezu. Horma nahiko txikia, bide gutxi ditu eta sarbide zaila du, inguratzen duen landarediarengatik.
Zailtasun handia eta alternatiba gutxi. Ezaugarri askotan bat egiten du Mirandarekin, eskarmentu handia dutenentzako sektorea da, eta zubi-lana egin dezake ondoren aurkituko ditugun gune ezagunagoetarako bidean.
Inklinazio nahiko uniformeko bi horma, zoruak banatuak. Ekialdeko alderdian, bide batzuek 20 metroko altuera dute.
Egin atzera zure urratsen gainean, Techorantz, eta mendebalderantz biratu, beste sekzio honetara iristeko. Zabalera eskaseko horma da, bide gutxi ditu, baina oso kalitate onekoak eta nahiko konplexuak.
Zuhaitz ugariren arteko zeharkaldia eginez eta zure atzean San Martin erreka utzita, Fósiles sektorera iritsiko zara. Eskalatzeko pazientzia eta esperientzia eskatzen duten bi zatitan banatuta dago horma.
8 bide: 6a-tik 6c+era
Chorrerasen ospearen ondorioz ahaztutako sekzio bikaina da. Sektore honetara iristeko, askoz gehiago ibili behar da (herritik), baina duen hedaduragatik eta zailtasun-maila askotarikoengatik merezi du bisitatzea. Hainbat bide topatuko dituzu, zelaiaren ikuspegi zabalekin.
40 bide: 5c-tik 8c-ra
Korralera (iristeko errazagoa eta bariatuagoa) nahiz Chorrerasera joan zaitezke, bi sektore horiek bata bestetik oso gertu baitaude. Bereizitako lau pareta dira, baina Korraleko luzea da gomendagarriena.
19 bide: 6b-tik 8a+era
Gaubeako eskaladako izarra. Campa azken urteetan masifikatu egin denez, Chorreras kirol honetako protagonista bihurtu da parkean. Izen hori ematen zaie Korraleko sektoreak barne direla, baina hiru multzo nagusi dira. C da konplexuena bere inklinazioagatik.
42 bide (Korralekin): 6b-tik 8b-ra
Gaubeako sektore konplikatuenetako bat da, eta alde handiz gainera. Esperientzia handia eskatzen duen inklinazio bertikal handia du Overfrankenek. Chorrerasko hiru sektoreak sakanaren iparralderantz pasatuz aurkituko duzu.
Ikusten duzunez, Gaubean eskalatzea kirola egiteko aukera interesgarria da, Arabako hegoaldea edo Burgosko iparraldea bisitatzen ari bazara. Ingurune zoragarria da, babestua, eta egun-pasa joan nahi duten euskal herritar guztientzako gida eskaintzen duena.
Zure abenturan, tarifarik onenarekin lagunduko dizu Guukek, Internetera konektatuta egon zaitezen eta naturan gal ez zaitezen.
Michelin izar bat, bi edo hiru dauzkaten eta plater bikainak eskaintzen dituzten 20 jatetxe baino gehiago daude Euskadin.
Euskadi cuenta con más de 20 restaurantes galardonados con una, dos o tres estrellas michelín en los que comer platos increíbles.
Euskal Herriko iparraldean —Frantziari dagokion eremua— euskal historiaren funtsezko zati bat gordetzen da, eta herri ahaztezinetarako bidea irekitzen zaigu.
El norte de Euskadi, ya perteneciente a Francia, esconde una parte vital de la historia vasca y nos abre las puertas a pueblos inolvidables.
Nazioartean ospetsuenen artean dauden eta historia osoan zortzimilako gehien igo dituzten mendizaleetako batzuk hazten ikusi dituzte Euskadiko mendiek.
Las montañas de Euskadi han visto crecer a algunos de los montañeros más famosos internacionalmente y con más ochomiles de toda la historia,
