icono menu icono cerrar menu Menua Itxi

San Prudentzio jaiak: Gasteizko hitzorduaren datak

24 Abril 2023 12:00

Salburuko aintziren artean buelta bat eman, Santa Maria katedrala bisitatu edo edozein kaletan pintxo bat jan dezakezu. Baina Gasteiza joateko asmoa baduzu, San Prudentzio jaiak dira unerik aproposenetako bat.

Jakina, Andre Maria Zuriaren jaiak eta Zeledonen jaitsiera dira unerik garrantzitsuenak hirian, ospakizunei dagokienez, baina San Anton, Santa Agata bezpera eta Olarizuko erromeria ere bereziak dira Gasteizko tradizioaz gozatzeko.

Gaur, Guuken, San Prudentzio jaiez hitz egin nahi dizugu. Urtero, apirilean, Gasteiz txistuen erritmoan dantzan hasten da. Zer eskainiko digute 2023an? Bada, barraskilo, perretxiko eta une gogoangarri asko Armentiako zelaian.

San Prudencio Vitoria Gasteiz

Zer ospatzen dute San Prudentzio eta Estibalizko Andre Mariaren jaietan?

Gasteizko jaien izena ez da kasualitatea. San Prudentzio Armentian (gaur egun Mendizorroza auzoak xurgatua) jaio zen, eta VI. mendean Tarazonako gotzain izatera iritsi zen.

Zeresan handia izan zuen urte asko geroago hiriko gotzaindegi bihurtu zen hartan, eta legatu garrantzitsua utzi zuen eskualdeko elizarentzat. Horregatik, santu egin zuten VIII. menderako.

Herritarrez zer-nolako garrantzi espirituala zuen ikusita, Arabako Batzar Nagusiek patroi bihurtzea erabaki zuten 1643ko azaroaren 18an. 1688an hari buruzko errezoak eta gaur egun ezagutzen dugun kapera hari eskaintzea adostu ziren. Eta, jakina, debozioak ia 350 urte iraun du bizi-bizi.

Zer gertatzen da Estibalizko Andre Mariarekin?

San Prudentzio jaietako beste hanka da. Estibalizko Andre Mariarena estilo erromanikoko santutegi bat da, eta, duela 100 urte baino gehiagotik, interes kulturaleko ondasuntzat eta Altxor Artistiko Nazionaleko monumentu historiko-artistikotzat jotzen da.

Tenplua XI. mendekoa da, eta Gasteiz 10 kilometrora dago, muino baten gainean. Oso garrantzitsua da gasteiztarrentzat, Arabaren zaindari Estibalizko Andre Mariaren Erdi Aroko tailu bat baitago barruan. Urtero joaten dira hara jaien amaierako erromeriara.

San Prudentzio eta Estibalizko jaietako egitaraua, 2023

Dena prest dago musikarekin, janariarekin eta ekitaldiekin hiria hankaz gora jartzeko. San Prudentzio eta Estibalizko 2023ko jaiak aurreko urtekoak bezain arrakastatsuak izatea espero du Gasteizek; izan ere, bereziak izan ziren iazkoak, bi urteko lehortealdiaren ondoren

  • Noiz hasiko dira? 2023ko apirilaren 27ko gaueko danborradak emango die hasiera jaiei, baina aurreko egunetan ere izango dira zenbait ekitaldi Gasteizen.
  • Noiz amaituko dira? Maiatzaren 1ean amaituko dira, Armentiako zelaietan izango den San Prudentzioko erromeriarekin eta Estibalizko santutegiko erromeriarekin.

Aurtengo edizioan 86 jarduera izango dira 7 egunetan, alajaina! Eta, berritasun gisa, Udalak sukaldaritza-lehiaketa eta Fanfarre Eguna apirilaren 29ra aldatzea erabaki du, jaietako zubian izan daitezen.

Fiestas de San Prudencio 2023
Jaietako kartel ofiziala

2023ko apirilaren 23a, igandea

Printzipal Antzokian, San Prudentzio kalean, izango da aurtengo jaietako lehen ekitaldia, 19:30ean. Iker Galartza eta Zuhaitz protagonista dituen El candidato antzezlan komikoa izango da, gaztelaniaz.

2023ko apirilaren 25a, asteartea

Ez galdu 2023ko Arabako Jaiak iragartzeko pregoia, Probintzia plazan. Fernando Albizu Ruiz de Alegríak 20:00etan hartuko du hartuko du mikroa, ospakizunei hasiera emateko.

Josune Mendizabalek ekitaldi bat aurkeztuko du, zeinean Itziar Yagüeren musika eta beste hainbat sorpresa izango baitira.

2023ko apirilaren 27a, osteguna

Egun handia! 20:00etan Musiketxea folklore-akademian Erretreta joko du Espainia plazan. Gauza bera egingo dute Aldundiko eta Gasteizko Udaleko tronpetariek eta atabalariek Probintzia plazan.

Tronpeta eta tronpeta artean, Algara Dantza Taldearen, Aizkarateren eta Kai Nakairen emanaldiak izango dira. Ordubete geroago, begiratu gorantz ikuskizun piromusikalaz gozatzeko, eta, 23:30ean, ez galdu elkarte gastronomikoek plazan bertan egingo duten kontzentrazioa eta alde zaharreko ibilaldia.

Eguna amaitzeko, dantzaldia egingo dute 00:30ean, Arca plazan.

2023ko apirilaren 28a, ostirala

Goiz jaiki behar da San Prudentzioko Zortzikora joateko. Probintziako plazan izango da, goizeko 9:00etan. Geroxeago, 12:00etan, "Biznietos de Celedón" danborrada hasiko da. Ahate Iturrian hasiko da, eta hirigunea zeharkatuko du.

Haurrak badituzu, 18:00etan izango duzu haurren danborrada, eta, bi ordu geroago, Janeusk DJ&Music-en ikuskizuna, Probintzia plazan bertan.

Aurten ere, Udalak musika-kartel ona osatu du. 22:30ean, Héroes de la Antártidak omenaldia egingo dio Mecanori.

Eta Armentian zer? Egun osoko programazio propioa izango da han. Hona hemen laburpen bat:

  • 11:00 – Prozesioa basilikaren kanpoko aldean eta, ondoren, meza.
  • 12:00 – Ohorezko aurreskua.
  • 12:00 – 13:00 – Haurrentzako animazioa
  • 12:00 – 15:00 – Haurrentzako jolasgunea
  • 12:00 – 15:30 – Bermuta DJarekin, Nesken eta Blusen Federazioaren eskutik.
  • 12:30 – Kalejira
  • 12:30 – Herri-kirolen erakustaldia; Urrezko Aizkolarien banakako XXVI. txapelketaren kanporaketa eta harri-jasotzea.
  • 18:00 – BERRIZTU taldearen kontzertua.

2023ko apirilaren 29a, larunbata

Tradizioari jarraikiz, goizean sukaldaritza-lehiaketak izango ditugu Probintzia plazan (10:00etan): Arabako plater tipikoen lehiaketa bat eta Arabako Errioxako ardoa dastatzeko beste bat izango dira. Amaitzeko, txistor-pintxoak banatu eta sariak emango dira.

Kuadrillak ikusteko gogoz? 11:30etik 15:00etara, Probintzia plazan harrera egingo zaie Arabako kuadrillei eta Trebiñuko enklabeari. 12:00etan, dantza-emanaldia egingo du Haize Dulantzi Dantza Taldeak.

A, eta, jakina, ezin dugu ahaztu Arabako Fanfarre Eguna. Kalejira batekin hasiko da goizean, eta fanfarreekin jarraituko du, Probintzia plazan. 19:00etan, Jare Dantza Taldeak "Festara deituz" joko du Espainia plazaranzko ibilbidean.

Eta, eguna amaitzeko, kontzertu gehiago izango ditugu: Puro Relajo, 20:00etan, Probintzia plazan, eta Neomak, 22:00etan, Arka plazan.

2023ko apirilaren 30a, igandea

Igande-goizean ekitaldi mordoa izango da. 10:00etatik 14:00etara, haurren Gasteizko Dantza Txapelketa izango da hirian, Probintzia plazan. Arratsaldean, BESTE BAT programaren bigarren edizioa egingo da, Turukutupa, Kawadeni eta La Perla partaide direla.

Maiatzaren 1a, astelehena

Maiatzaren 1a da, eta badakizu zer tokatzen den. Hori da! Estibalitzera joan behar da San Prudentzio jaien amaierako erromeriara. Aurten, Udalak anezka-autobusak prestatu ditu autoa hartu gabe hara joateko.

Hara joateko, autobusak goizeko 10:00etan, 10:15ean eta 10:30ean abiatuko dira katedraleko autobus-geltokitik Estibalizko aparkalekura. Bueltan, aparkalekuko geltokian har dezakezu, 13:30ean, 15:00etan edo 17:30ean. Zer ekitaldi izango ditugu han?

9:00etan, Desagrabioen 4. azoka hasiko da. Erdi Aroko merkatua hemen da berriz, arabarren arteko liskarrak konpontzeko iraganean antolatzen ziren Jainkoaren Epaiketak gogoratzeko. Gaur egun, horren ordez, tokiko artisautza-, kultura- eta gastronomia-ekoizleen postuak jartzen dira.

Bitartean, hainbat ekitaldi izango dira: 10:00etan, aurpegia margotzea; 11:00etan, Arabako patatarekin egindako sukaldaritza-lehiaketaren 29. edizioa; 11:00etan, baita ere, Txaranga Sutan taldearen interpretazioa eta esgrima-erakustaldia.

11:00etan, orobat, ez galdu santutegiko meza; “Haritz Hostoa” eta “Canta Compaña” abesbatzek parte hartuko dute. Ordubete geroago, gorrentzako emanaldia izango da, eta aurrez, 11:30ean, haurrentzako bisita.

Hemen, hauek dira garrantzitsuak: herri-kirolen erakustaldian, 12:30ean, Urrezko Aizkolarien Txapelketa izango da; Euskadiko aurresku eta dantza solteko txapelketa, erromanikoaren interpretazio-zentroan; eta herri bazkaria, non 1.500 errazio haragi gisatu banatuko baitira. Eguna amaitzeko, Arabako bolo-txapelketa mistoa jokatuko da.

San Prudentzio jaiak aukera ezin hobea dira Gasteiz eta haren tradizioak ezagutzeko. Eta Guukek haiek ezagutzen lagundu nahi dizu, konexiorik onenarekin. Sartu gure webgunean, eta ikusi informazioa. Ez galdu Euskadiko festarik!

Erlazionatutako berriak