Gasteizko 2022ko Andre Maria Zuriaren jaiak. Heldu da Zeledon Gasteizera

Bi urtez jairik gabe egon ondoren, datorren ostegunean, abuztuak 4, Zeledon Gasteizera helduko da eta bere jaitsiera tradizionalaren lekuko izango dira gasteiztarrak eta arabar guztiak, eta, hala, Andre Maria Zuriaren jaiak hasiko dira

“Zeledon etxe berria egin duk, Zeledon balkoian leiho on” kantatuz, denontzako moduko jarduerez beteriko aste bat hasiko da; musika-ikuskizunak, kirol-ekitaldiak eta familientzako eta txikientzako jarduerak.

Festa-giroa eta poza dira nagusi hirian, Hiri zuriaren isiltasuna liburu arrakastatsuan deskribatu bezala. Ongi etorri, Zeledon!

Uztailak 25 - Blusen eta Nesken Eguna jaiak berotzen hasteko

Andre Maria Zuriaren jaien aperitifa gisa, uztailaren 25ean —Santiago apostoluaren egunean— “Blusen eta Nesken Eguna” ospatzen da. Hiriko kuadrillek, jantzi tradizionalekin jantzita eta zapi koadroduna lepoan, ondo pasatzeko hainbat jarduera antolatzen dituzte. Aurten, 28 kuadrillak kolorez beteko dituzte Andre Maria Zuriaren 2022ko jaiak.

Festak, kuadrillan hobeto beti: Blusak eta Neskak

65 urte bete dira 1957an Gasteizek, festak hasteko, Pepito panpinaren lehenengo jaitsiera antolatu zuenetik. Gero, hasierako Pepito hura gure gaurko Zeledon bihurtu zen, Andre Maria Zuriaren festetako ikur nagusia. Gasteizko kuadrilla tradizionalenetako baten maskota zen Pepito: Los Tímidos (Lotsatiak) kuadrillarena, hain zuzen. Hasierako blusa-kuadrilla haiek sortu zuten panpinaren jaitsieraren ekitaldia.

Aurreneko blusa-kuadrillak 1878koak dira gutxi gorabehera, baina ezagutzen den lehendabizikoa 1925ekoa da: Himeneoa.

Kuadrillen jarduera bakar bati ere txanda-pasarik ez egiteko eta lagunekin beti konektatua egoteko, nahitaezkoa duzu mugikorra eskura izatea beti, eta ahalik eta etekinik handiena ateratzea hari. Horretarako, hemen dauzkazu Android-en trikimailurik onenak zure telefonoari ahalik eta etekinik handiena ateratzeko

Ardo-upelen lasterketa eta baratxuri-azoka

Arabako kuadrillek Santiago Egunean egiten duten jarduera nagusietako bat “ardo-upelen lasterketa” da. Kuadrilla bakoitzeko ordezkariek berrogeita hamazazpi kiloko ardo-upel bat gidatzen dute ibilbide batean barrena, ahalik eta lasterren. Saria: berrehun eta hogeita bost litro ardo festak girotzeko.

Aurten Errege Atea kalera lekualdatu duten arren, milaka lagun joan dira Erdi Aroan —XV. mende inguruan— sortutako baratxuriaren azoka tradizionalera.

Egun koloretsu hori ondo amaitzeko, kalejira egiten da hirian barrena.

2022ko Andre Maria Zuriaren jaiak, Gasteizko Aste Nagusia

Kontzertuak txosnetan eta Foru plazan

Gasteizko Txosnak taldeak askotariko musika-eskaintza antolatu du aurten. Tremenda Jauría, Zetak eta Soziedad Alkoholika dira egitarauko izen nagusiak.

Foru plazan ere izango da kontzertuez gozatzeko aukera. Aurten, Izaro, Tanxungueiras, Mikel Erentxun, Talco y Rulo eta Contrabanda izango ditugu han festen gozagarri.

Musika-eskaintzaz gozatzeko eta Andre Maria Zuriaren Andre Maria Zuriaren jaien programa osoa beti eskura izateko, nahitaezkoa duzu zure beharretara egokitutako mugikorreko tarifa bat, gigarik gabe ez gelditzeko.

Horregatik, Guuk-en iraupen-konpromisorik gabeko mugikor-tarifarik onenak eskaintzen dizkizugu, zure konexio-beharretara egokituak.

2022ko Andre Maria Zuriaren jaietako merkatu eta azoka gastronomikoak

Musika-eskaintzaz gainera, azoka, merkatu eta dastaketa gastronomiko ugari daude aste osoan, hala nola Andre Maria Zuriaren jaietako azoka, uztailaren 24tik abuztuaren 9ra Santa Barbara plazan egiten dena. Bitxiak, apaingarriak, opariak, jostailuak eta beste hainbat gauza eskaintzen ditu azokak.

Azken 20 urteotan, Zoko arabiarraz ere goza daiteke Juan Aiala plazan. Denetarik izango da: 11 sukaldaritza-postu, 16 eskulangintza-postu eta lau tailer (arabiar-eskribaurena, saskigintza, hennazko tatuajeak eta zulo-bordatuak oinekin egiteko tailerra.

Eta Euskadiko jaietan ezin da jatekorik falta; beraz, Gastronomia eta Artisautza Azoketara ere joan zaitezke, eta makina bat mokadu goxo izango dituzu han, hala nola Idiazabal gazta (ardi latxaren esnez egina), txorizoa, euskal pastela eta beste hamaika jaki goxo.

Barrakak eta Zeledon Txiki etxeko txikientzat

Txikienek ere neurri-neurrirako jarduerak izango dituzte, haiek ere jaien berri izan dezaten pixkanaka. Abuztuaren 7an, Edurne eta Zeledon Txikiren jaitsiera egin ohi da, eta etxeko txikiak dira protagonistak ekitaldi horretan.

Abenturaren txokoa, minidiskotekak, Erraldoi, Buruhandi, Zaldi eta Txoten Konpartsaren kalejirak eta haurrak irensten dituen Gargantua ezaguna.

Andre Maria Zuriaren jaietako antzerkia, folklorea eta eskaintza kulturala

Kulturak beti du lekua gure jaietan. Hori dela eta, 2022ko Andre Maria Zuriaren jaietan jarduera eta ikuskizun kultural ugari daude programatuta. Prado parkean, “Umorearen txokoa” prestatu dute, eta ikuskizun komikoak izango dituzu han egunero.

Gainera, Principal Antzokian antzezlanen eta komedien programazio zabala dago ikusgai.

Euskal folkloreak ere badu lekurik jaietan, nola ez, eta, beraz, euskal musika eta dantza tradizionalak entzuteko eta ikusteko aukera izango dute gasteiztarrek: bertsolariak, txalaparta, txistua eta trikitixa.

Azkenik, Gasteizko zerua suek argituko dute gauero. Andre Maria Zuriko Piroteknia Ikuskizunen Nazioarteko XVIII. Erakustaldia egingo da aurten. Pirotekniazalea baldin bazara, zer esana izango duzu, zure ikuskizun gogokoenaren aldeko botoa emateko aukera izango baituzu.

Ikusten duzunez, makina bat gauza dago egiteko 2022ko Andre Maria Zuriaren jaietan. Hortaz, jaien une bakoitza argazkietan jasotzea atsegin baduzu, zure mugikorreko bateria zaintzeko aholku batzuk emango dizkizugu, txanda-pasa bakar bat ere egiteko zure mugikorreko bateria ongi zaintzeko gomendio batzuk.