Itxi
Datorren ostiralean, abuztuak 4, Zeledonen jaitsiera tradizionalaren lekuko izango dira gasteiztarrak eta arabar guztiak, eta, hala, Andre Maria Zuriaren 2023ko jaiak hasiko dira.☂️
“Zeledon etxe berria egin duk, Zeledon balkoian leiho on” kantatuz, denontzako moduko jarduerez beteriko aste bat hasiko da; haien artean, musika-ikuskizunak, kirol-ekitaldiak eta familientzako eta haurrentzako jarduerak.
Festa-giroa eta poza izango dira nagusi hirian, Hiri zuriaren isiltasuna liburu arrakastatsuan deskribatu bezala. San Prudentzio pasatu ondoren, etorri nahi duzu Guuk-ekin festa hauek ezagutzera? Ongi etorri, Zeledon!
2022an, gasteiztarrek zalantza asko zituzten jaietako datei buruz, pandemiaren ondorioz bi urtean ez zen festarik egin eta. 2023 honetan, ordea, betiko datekin eta ekitaldiekin datoz jaiak.
Urtero bezala, udalak nobedade pila bat prestatu ditu; haien artean, lehen mailako artisten kontzertuak eta ekitaldi herrikoi ugari, gero eta antolaketa hobearekin. Hona hemen aurtengo kartela!
Gasteizko jaien aperitifa gisa, uztailaren 25ean —Santiago apostoluaren egunean— “Blusen eta Nesken Eguna” ospatzen da. Gasteizko kuadrillak, jantzi tradizionalekin jantzita eta zapi koadroduna lepoan dutela, hiriko protagonista bihurtzen dira.
Blusen eta Nesken Eguna esaten zaio, horiek direlako gasteiztarrek janzten dituzten jantzi tradizionalen izenak; gizonezkoenak blusak dira, eta emakumezkoenak, berriz, neskak. 1878tik ospatzen da. Orduan sortu ziren lehen kuadrillak. Emakumeak 1967an hasi ziren parte hartzen, mantelina eta apain-orrazia alde batera utzi zituztenean.
Garai batean, asto-lasterketak eta zezenak ziren egun horretako protagonistak, eta, hain zuzen ere, blusaren funtzio nagusia plazan alkandora ez zikintzea zen. Gaur egun, beste tradizio batzuk ditu ardatz: sardinak, kuadrillen arteko lehiaketak eta kalejirak.
65 urte bete dira 1957an Gasteizek, festak hasteko, Pepito panpinaren lehenengo jaitsiera antolatu zuenetik. Gero, hasierako Pepito hura gure gaurko Zeledon bihurtu zen, Andre Maria Zuriaren festetako ikur nagusia.
Gasteizko kuadrilla tradizionalenetako baten maskota zen Pepito: Los Tímidos (Lotsatiak) kuadrilla. Hasierako blusa-kuadrilla haiek sortu zuten aterkidun panpinaren jaitsieraren ekitaldia. Eta zergatik kontatzen dizugu hori? Bada, Andre Maria Zuriaren jaietako elementu garrantzitsuetako bat delako.
2023an, 29 kuadrillak hartuko dute parte. Hauek izango dira: 50eko hamarkadan sortutakoak (Los Martinikos, Los Desiguales, Los Txismes, Los Bainas eta Los Biznietos), 90eko hamarkadakoak (Bastiak, Zintarri, Hegotarrak eta Nekazariak) eta mende honetakoak (Magolariak, Siberiarrak eta Los Alegríos).
Duela lau urte hartu zuen parte lehen aldiz Gautarrak kuadrillak, eta 2022an Akelarre kuadrillaren txanda izan zen. Aurten, Kaletarrak kuadrillak egingo du debuta. Guztira, hogeita hamar bat kuadrillak alaituko dituzte kaleak eta emango diete kolorea Andre Maria Zuriaren jaiei.
Arabako kuadrillek Santiago Egunean egiten duten jarduera nagusietako bat “ardo-upelen lasterketa” da. Kuadrilla bakoitzeko ordezkariek berrogeita hamazazpi kiloko ardo-upel bat gidatzen dute ibilbide batean barrena, ahalik eta lasterren.
Saria: 225 litro ardo; sari ezin egokiagoa ondoren etorriko diren festak alaitzeko.
Eguneko beste hitzordu nagusia San Frantzisko kaleko aldapako baratxuri-azoka da; Erdi Aroan sortu zen, XV. mendearen inguruan. Baratxuri-txirikorda bat erosi eta lepoan jarri behar da, etxera iritsi arte.
Egun koloretsu horri amaiera emateko, joan-etorriko kalejira egiten da Iradier Arenara —egunero egiten da Aste Nagusian—. A, eta ez hutsik egin San Migelen meza, nekazaritza eta abeltzaintzako azokak, haurrentzako zesta-puntako tailerra eta bigantxak. Ezta emakumezkoen hirugarren pilota-masterra ere.
Ez dizugu gezurrik esango: Andre Maria Zuriaren jaietan, ez duzu jakingo nondik hasi. Ia ezinezkoa da ekitaldi denak ikustea eta probatzea, hainbeste gauza prestatu ditu udalak 2023rako jaietarako! Horregatik, onena da gehien interesatzen zaizuna apuntatzea eta planifikatzea.
Hala ere, gauza batzuk nahitaezkoak dira, eta haietako asko lehen egunean egiten dira.
Jaietako ekitaldirik ezagunena da. Abuztuaren 4an (ostirala), 18:00etan, Gasteizko panpina ezagunena kable batetik jaitsiko da San Migel dorretik Andre Maria Zuriaren balkoi batera, eta, gero, hezur-haragizko bihurtuko da.
Gorka Ortiz de Urbinak oinez zeharkatuko du plaza, eta San Migel dorreko balkoira aterako da, Andre Maria Zuriaren jaiei hasiera ofiziala emateko. Pare bat ordu lehenago joatea gomendatzen dizugu, plaza leporaino egoten da eta.
Ordu erdi geroago, buruhandien, erraldoien, zaldien eta txoten konpartsa hasiko da, eta erdiguneko kale hauek zeharkatuko ditu: San Prudentzio, Arka plaza, Posta kalea, Dato kalea eta Agirre lehendakariaren kalea. Bezpera Solemneak ere emango dira, Andre Maria Zuriaren omenez, koruaren emanaldiarekin eta lore-eskaintza eta guzti.
Ostiralean bertan, 22:00etan, Farolen erromeria ezaguna hasiko da. Erdiguneko kaleak argiz eta kristalez beteko dira, Ama Zuriaren Kofradia protagonista duen ikuskizun batean. 270 farol baino gehiago izango dira.
Guk ez genuke hutsik egingo; aukera ezin hobea da mugikorrarekin argazkirik onenak ateratzeko! 1896tik dator ohitura hori.
Abuztuaren 5ean, duela 400 urtetik, gasteiztarrek prozesioa egiten dute Erdi Aroko hirigunean, Egunsentiko Arrosarioan. Goizeko 7etan hasten da, eta, ordubete geroago amaitzen da, Andre Maria Zuriaren plazan, Egunsetiko Mezarekin.
Amabirjinari lore-eskaintza egin eta gero, txokolatea ematen diete parte-hartzaileei —20.000 lagunek baino gehiagok hartzen dute parte—.
Jaietara bisitari gehien erakartzen dituen ekitaldietako bat da, eta ez da harritzekoa! Abuztuaren 3tik aurrera, hainbat artista ikusi ahal izango dituzu unibertsitateko campusean. Gasteizko Txosnek egitarau ederra osatu dute 2023rako.
A, eta ostiralean bertan, hilaren 4an, Aiztogile kaletik pasatzen bazara, txosnen inaugurazio-kalejira izango duzu. Hori esanda, hemen duzu aurtengo udako kartel ofiziala. Ez dugu aipatu, baina apar-festa ere izango da.
Abuztuak 3 (22:00etatik aurrera):
Abuztuak 4 (21:00etatik aurrera):
Abuztuak 5 (21:00etatik aurrera):
Abuztuak 6 (21:00etatik aurrera):
Abuztuak 7 (21:00etatik aurrera):
Abuztuak 8 (21:00etatik aurrera):
Abuztuak 9 (21:00etatik aurrera):
Indie musika edo hain komertziala ez dena gustuko ez dutenentzat hiriaren erdiguneko eremu bat gordetzen du beti udalak. Han, Foruen plazan, artista ezagun asko arituko dira. Gauerdian hasten dira beti kontzertuak.
2023ko jaietako azken egunean ez da kontzerturik egongo Foruen Plazan, handik oso gertu, Andre Maria Zuriaren plazan, Zeledonen igoera egingo baita.
Aihotz Plaza ere erdigunean dago, besteak bezala, baina askoz ere bilduagoa da; han egiten dira Andre Maria Zuriaren jaietako beste kontzertu batzuk. Toki-kopurua txikiagoa da hemen; beraz, interesatzen bazaizkizu, garaiz joatea gomendatzen dizugu.
Artista guztiak 00:00etan hasten dira jotzen, eta goizaldeko ordu biak aldera amaitzen dute.
Ez dago geratzeko tarterik. Erdiguneko edozein kaletan ibiliz gero, ia seguru egingo duzu topo kontzertu edo musika-ekitaldiren batekin. Arratsaldean hasi ohi dira, eta ukitu gasteiztar bat izaten dute, inor epel uzten ez duena.
Espainia plazan, Floridan eta Falerinako lorategian ibiltzen dira. Fanfarreez eta txarangez ari gara!
Uztailak 28:
Uztailak 29:
Abuztuak 4:
Abuztuak 5:
Abuztuak 6:
Abuztuak 7:
Abuztuak 8:
Abuztuak 9:
Musika-eskaintzaz gainera, azoka, merkatu eta dastaketa gastronomiko ugari daude aste osoan, hala nola Andre Maria Zuriaren jaietako azoka, uztailaren 24tik abuztuaren 9ra Santa Barbara plazan egiten dena. Bitxiak, apaingarriak, opariak, jostailuak eta beste hainbat gauza eskaintzen ditu azokak.
Azken 20 urteotan, Zoko arabiarraz ere goza daiteke Juan Aiala plazan. Denetarik izango da: sukaldaritza-postuak, eskulangintzakoak, eta lau tailer: arabiar-eskribaurena, saskigintza, hennazko tatuajeak eta zulo-bordatuak oinekin egiteko tailerra.
Eta Euskadiko jaietan ezin da jatekorik falta; beraz, Gastronomia eta Artisautza Azoketara ere joan zaitezke, eta makina bat mokadu goxo izango dituzu han, hala nola Idiazabal gazta (ardi latxaren esnez egina), txorizoa, euskal pastela eta beste hamaika jaki goxo.
Haurrek ere beren neurriko jarduerak izango dituzte, haiek ere jaien berri izan dezaten pixkanaka. Abuztuaren 7an, 12:00etan, Edurne eta Zeledon Txikiren jaitsiera egiten da Andre Maria Zuriaren plazan, etxeko txikiak protagonista direla.
Abenturaren txokoa, minidiskotekak, erraldoi, buruhandi, zaldi eta txoten konpartsaren kalejirak eta haurrak irensten dituen Gargantua ezaguna.
Kulturak beti du lekua gure jaietan. Hori dela eta, 2023ko Andre Maria Zuriaren jaietan jarduera eta ikuskizun kultural ugari daude programatuta. Prado parkean, “Umorearen txokoa” prestatu dute, eta ikuskizun komikoak izango dituzu han egunero.
Gainera, Principal Antzokian antzezlanen eta komedien programazio zabala dago ikusgai.
Euskal folkloreak ere badu lekurik jaietan, nola ez, eta, beraz, euskal musika eta dantza tradizionalak entzuteko eta ikusteko aukera izango dute gasteiztarrek: bertsolariak, txalaparta, txistua eta trikitixa.
Abuztuak 5:
Abuztuak 6:
Abuztuak 7:
Abuztuak 8:
Abuztuak 9:
Ama Zuriaren jaiak azken egunera arte aprobetxatu behar dira. Horregatik, asteazkenean,, abuztuaren 9an, jai-giro aparta izango da Gasteizen. Eguerdia igarotakoan, erraldoi eta buruhandien konpartsaren agurra hasiko da.
Une gorena arratsaldean etorriko da; 16:30ean, blusa eta nesken kuadrillak Espainia Plazatik Errenazimentu plazaraino igoko dira. Aprobetxatu ondo eguna, azken txanpa da eta.
Goizeko ordu batean hasten da Zeledonen igoera Andre Maria Zuriaren plazan. Gasteiztarrek gehien maite duten panpina zerura itzultzen da, udal musika-bandaren doinuek eta ikuskizun pirotekniko handi batek lagunduta.
Une horretan bertan egiten zaio azken eskaintza Andre Maria Zuriari, eta Salbe herrikoia abesten da San Migel elizako balkoitik. Prado kalean blusa eta neska eroriak igotzen dituzte, eta, aldi berean, Andre Maria Zuriaren plazan, lutozko prozesio zirraragarria egiten dute.
Zeledoni egindako agur-omenaldiak eta kandelen prozesioak ematen diote amaiera Euskadiko jairik garrantzitsu eta dibertigarrienetako bati.
Ikusten duzunez, makina bat gauza dago egiteko 2023ko Andre Maria Zuriaren jaietan. Etorri nahi duzu gurekin? Sartu Guuk-en webgunean, eta eskuratu deietarako eta datuetarako tarifarik onena, zure mugikorrarekin ezertxo ere ez huts egiteko.
Hondartzatik gertu dauden Euskadiko kanpinak eta bungalowak. Ezagutu Gipuzkoan, Bizkaian eta Araban ostatu hartzeko dauden kanpinak, zer ikusi eta zer egin
Instagramers foodies en Euskadi, verdaderos embajadores de nuestra gastronomía. Te enseñamos algunos perfiles que puedes seguir para hacerte una ruta gastronómica por Euskadi.
Instagramers foodies Euskadin, gure gastronomiaren benetako enbaxadoreak. Euskadin zehar ibilbide gastronomiko bat egiteko jarrai ditzakezun profil batzuk erakutsiko dizkizugu.
Euskadiko eta Nafarroako gizarte-eragileekin konektatzeko sortu zen Guuk, sinergiak sortzeko eta lurraldearen eraldaketa digitala bultzatzeko. Konpromiso sendo horretatik sortu zen Kirol App proiektua, tokiko kirol-kluben digitalizazioa bultzatzeko eta haien zaletasunekin komunikatzeko bide berriak aztertzeko garatu den mugikorretarako aplikazioa.
Las aplicaciones móviles se han convertido en grandes aliadas para planificar nuestras vacaciones. Tanto si estás planteando una escapada a Euskadi como si ya vives aquí, pero quieres aprovechar estos días para conocer tu entorno, no puedes perderte esta selección de aplicaciones móviles para conocer Euskadi.
Aplikazio mugikorrak aliatu handi bihurtu dira gure oporrak planifikatzeko. Bai Euskadira ihesaldi bat egitea planteatzen ari bazara, bai hemen bizi bazara ere, baina egun hauek zure ingurunea ezagutzeko aprobetxatu nahi badituzu, ezin duzu galdu Euskadi ezagutzeko aplikazio mugikorren aukeraketa hau.
