Haurrentzako 7 aplikazioak euskaraz jolasten ikasteko

Aplikazioek egundoko iraultza ekarri dute Internetera eta hura erabiltzeko modura. Erreminta digital horiei esker, askotan izan dugu ikasteko, ezagutzeko, jokatzeko eta entretenitzeko aukerarik. Oraingo honetan, haurrentzako 7 aplikazioak euskaraz jolasten ikasteko jardungo dugu. Mugikorretarako aplikazio ugari daude etxeko txikiekin pentsaturik, batzuk besteak baino ezagunagoak, baina aplikazio guztiak interesgarriak, konbinatu egiten baitituzte entretenimendua eta jakintza.

Mugikorretarako euskarazko aplikazio onenak haurrentzat

Gero eta gazteagotatik eskuratzen dira teknologia eta Interneteko edukiak. Haurrak zein gazteak gero eta goizago hasten dira tabletak eta mugikorrak erabiltzen; izan ere, onlineko jokoek eta aplikazioek eta eduki digitalek interes handia pizten dute haien artean, eta, hala, erabat aldatu da haien aisialdia aurreko belaunaldiekin alderatuta.

Garrantzitsuena zera da, haurrek Internetera konektatuta igarotzen duten denbora eta bisitatzen dituzten espazioak bereizten eta dosifikatzen jakitea, zer eduki digital kontsumitzen dituzten eta aisialdirako zer aplikazio eta ataritara jotzen duten. Hemen, mugikorretarako euskarazko zenbait aplikazio proposatzen dizkizugu haurrentzat, Android eta iOS sistemetarako.

Txikipedia

Onlineko ataria izateaz gainera, badu aplikazio bat ere Android eta iOSrako. Inoiz aurkeztu dizuegu hemen Txikipedia haurrentzako entziklopedia, online eta euskaraz eskura daitekeena. Atari nahiko osoa da, haurrentzako Wikipedia baten tankerakoa, eta ia 5000 artikulu ditu gaur egun (gure blogean aipatu genuenean, 3000 zituen).

Euskarazko edukiak biltzen dituen erreminta digital hori 8 eta 13 urte bitarteko haurrei zuzendua da, eta eduki didaktiko oso zainduak eskaintzen ditu, txikien premietara egokituak.

Ikasikusi

Aplikazio horrek euskara lantzeko laguntza eskaintzen die haurrei, joko baten bidez: irudi bat agertzen da apurka-apurka, eta jokalariak zer den asmatu behar du ahalik eta denbora laburrenean. Ikasikusik buru-bizkortasuna eta memoria lantzen ditu, irudi-enigmen bidez; jokalariak ahalik eta denbora laburrenean deszifratu behar ditu.

Pirritx eta Matematikak

Astunak egiten dira matematikak? Mugikorretarako aplikazio honi eta Pirritx protagonista jatorrari esker, txikiek matematika-eragiketa errazak praktikatuko dituzte, hala nola zenbakiak ikastea, batuketak eta kenketak egitea, bikoteak sortzea eta geometria baliatzea. Zalantzarik gabe, kontuan hartu beharreko euskarazko aplikazio bat.

Mitologi park

Mugikorretarako aplikazio honek, hainbat joko interaktibo eskaintzen ditu 3 eta 10 urte arteko haurrentzat. Tartalo, Basajaun, Mari, Olentzero eta euskal mitologiako beste zenbait pertsonaiak erronkak planteatuko dituzte: ezkutatuta dauden piezak topatzea, galderak erantzutea edo puzzleak osatzea.

Zenbaki eta hizkiak

Zalantzarik gabe, onlineko joko hau nahiko erabilgarria da letrak eta zenbakiak modu dibertigarri eta entretenigarrian ikasteko. Mugikorretarako aplikazio horri esker, letra larriak eta xeheak lotu ahal izango dituzte, baita idazten ikasi ere.

Mugikorretarako aplikazio mugikor horrek badu ezaugarri interesgarri bat haurrei begira: jokatu ahala –eta, aldi berean, ikasi ahala– mailak desblokeatzen dira, eta, hortaz, ezagutzak finkatzeko aukera ematen du, une atseginak igaroz. Gainera, onlineko joko bakoitzaren aurretik, azalpen labur bat ematen da, eta, erronka amaitu ondoren, aplikazioak lortutako emaitzen kalifikazioa eskaintzen du, izar-sistema baten bidez.

Ipuinak entzun

Izenak dioen moduan, ipuinak kontatzeko dago pentsatuta. Android eta iOS sistemetan eskura daiteke, eta modu eguneratuagoan entzun daitezke txikitako ipuin klasikoak: Hiru txerritxoak, Ahatetxo itsusia, Sirenatxoa, Txanogorritxo, Otsoa eta zazpi antxumeak, Edurne Zuri, Hamelingo txirula-jotzailea, Hansel eta Gretel, eta abar.

Iratxoen kantu sekretuak

Joko honek errealitate birtuala uztartzen du, zenbait trikimailu proposatzen dituzten iratxoen bidez. Abesti sekretuak baliatuz, Gookapi baso magikoan sartu ahal izango gara, eta natura, zientzia, historiari buruzko bitxikeriak eta bestelako datuak ezagutuko ditugu. Pintxo izeneko iratxo protagonistak trikimailu eta sekretu batzuk kontatuko ditu, koreografiak, hitzak eta abestiak baliatuz, zeinak deszifratu egin beharko baititu jokalariak. Erronka hauxe izango da: Pintxok eta haren lagun Mithy, Liz, Hur, Xira eta Maisu Jakintsuak proposatzen dituzten sekretuak asmatzea. Aplikazio nahiko osoa da; izan ere, 3D grafikoetan diseinaturiko pertsonaiak, errealitate birtuala eta jokoa konbinatzen ditu erreminta bakarrean.

Zer iruditu zaizkizu haurrentzat aukeratu ditugun euskarazko aplikazio hauek? Ikusten duzunez, adin, maila eta interes guztietarako aplikazioak daude, baina garrantzitsuena jolastuz ikastea da, teknologia berriei esker. Jokoak, erronkak, puzzleak eta are liburu elektronikoak euskaraz, tarte atseginak igarotzeko.

Hori dela eta, mugikorretarako aplikazio eta erremintak arduraz erabiltzeaz gainera, oso garrantzitsua da Interneteko konexio ona izatea. Guuk-en, merkatuko zuntz bizkorrenetako bat eskaintzen dugu, aisialdian zein lanean edo ikasten emaniko denboran arin eta ezustekorik gabe nabigatu ahal izan dezazun.