icono menu icono cerrar menu Menua Itxi

Windows 11ri buruzko informazio guztia eta berritasun nagusiak

19 Octubre 2021 09:07 2 min

Ordenagailuak eguneratzeak iragartzen dizkizunean dar-dar egiten duten horietakoa al zara? Ordenagailu berria erosten duzunean, eskaintzen dituen aukera guztiak arakatzen hasten al zara? Adi! Urriaren 5ean, Microsoftek Windows 11 kaleratu zuen, Microsoft-en sistema eragilearen bertsio berria, eta informazio guztia emango dizugu, dakartzan berrikuntza guztien berri izan dezazun.

Beti bezala, Guuk-en tresnarik onenak ematen dizkizugu Interneteko konexio-aukera guztiak ustiatzeko, nahiz etxetik nahiz poltsikotik.

Windows 11ren ezaugarri berriak

Windows 11 berriak aldaketa asko dakartza Windows 10 bertsioaren aldean. Sistema eragile berriaren estetika-aldaketa garrantzitsuez gain, erabilgarritasunari dagokionez etorriko diren nobedadeak kontatuko dizkizugu. Jarri arreta!

Hasierako menua:

Hasierako menua eta zure aplikazioetarako zuzeneko sarbideak zure ataza-barran jartzen dira zuzenean, baina ezkerrerantz mugitzeko aukera izango duzu. Windowsen menua ere aldatu egin da; lauzak desagertu egin dira, eta aukerak bistaratzeko aplikazioetarako zuzeneko sarbideen sistema bat eta gomendatutako aplikazioen sistema bat erabiltzen dira.

Aplikazioen zerrenda osoa ikusteko aukera badago orain ere, eta bilatzailea ere badago, nahi dugun aplikazioetara zuzenean iristeko.

Windows-11-menu-de-inicio-e1626080416295

Microsoft Store:

Microsoften aplikazio-denda berritu da, eta asko hobetu da. Microsoftek garatzaileentzako komisioak ezabatu ditu, haien aplikazioak dendan ikusgai egon daitezen. Hori berrikuntza garrantzitsua da Windows 10en dauden aplikazioen aldean.

Androideko aplikazioekin bateragarria:

Windows 11ren nobedade nagusietako bat da nahi dituzun Androideko aplikazioak instalatu ahal izango dituzula Amazonetik. Microsoft Store-n egongo dira eskuragarri, baina ez dakigu noiz; 2022an, ziurrenik.

Irudiak mozteko aplikazioa

Gehien erabiltzen ditugun aplikazioetako bat pantaila-argazkiak egiteko aukera ematen diguna da. Windowsen, irudiak mozteko aplikazioa da gehien erabiltzen direnetako bat. Bada, nabarmen aldatu da Moztu aukera ere. Aldaketa estetikoak egin dituzte, eta diseinu berria bat dator sistema eragile osoaren diseinu orokorrarekin; baina, era berean, berrantolatu egin da irudia mozteko modua hasi aurretik konfiguratzeko.

Menu mugikorrak

Menu mugikorren itxura aldatu egingo da, eta ertz biribilduak izango dituzte, Windows 11ren diseinu berriari jarraituz. Aplikazio eta joko guztiek ertz biribilduko diseinu hori izango dute.

windows-11-sistema-operatiboa

Mahaigain birtualak:

Mahaigain birtualak erabiltzeko aukera bazegoen Windows 10en ere. Bertsio berri honetan, maila batzuk gorago dago aukera hori; izan ere, izena aldatzeaz gain, eskuz eraman ditzakezu aplikazioak mahaigain batetik bestera. Bestalde, pantaila-hondo desberdina jarri ahal izango diezu mahaigainei, bereizi ahal izateko.

Diseinuak ez du eraginik errendimenduan

Oro har, Windows 11ren diseinua askoz sendoagoa da, eta horrek ez du eraginik errendimenduan. Ikonoetan ere aldaketak izango dira. Karpeten koloreak aldatu egingo dira, eta ez dute izango Windows 95etik eta XPtik datozen ikono horien antzik.

Ikusten duzunez, sistema eragile berri honek berrikuntza ugari dakartza. Beti bezala, Guuk-en aplikazio eta gailu teknologikoei buruzko berritasunak jakinarazten dizkizugu, mugarri teknologiko berrien jakitun egon zaitezen.

Erlazionatutako berriak