icono menu icono cerrar menu Menua Itxi

2023ko jaiegunak Euskadi-n. Zein egun izango dira jai?

04 Enero 2023 08:59

Iritsi da 2023a! Eta, hasi berria den arren, urte berriko atsedenaldiak lehenbailehen antolatu nahiko dituzu ziur asko. Antolaketa horren osagai garrantzitsu bat lan-egutegiari begiratu bat ematea da; horregatik, 2023ko jaiegun nagusien berri emango dizugu orain, oporrak nola antolatu jakiteko.

Gainera, hamabi jaiegun eta asteburu zubidun batzuk ditugu aurten, ihesaldiez gozatzeko edo gure ingurune zoragarria ezagutzeko.

Euskadiko 2023ko jaiegunak

Hasteko, hona hemen Euskadiko herri guztiek 2023an izango dituzten jaiegunak, guztiak Euskal Herriko Agintaritzaren Aldizkarian jasoak.

Urtarrilaren 6a –Errege eguna

Apirilaren 6a - Ostegun Santua

Apirilaren 7a - Ostiral Santua

Apirilaren 10a - Pazko Astelehena

Maiatzaren 1a - Langileen Eguna

Uztailaren 25a - Santiago eguna

Abuztuaren 15a – Ama Birjinaren Jasokundea

Urriaren 12a - Hispanitatearen eguna

Azaroaren 1a - Domu Santu eguna

Abenduaren 6a - Konstituzioaren eguna

Abenduaren 8a – Sortzez Garbiaren eguna

Abenduaren 25a - Eguberri eguna

Zer zubi izango dira Euskadin 2023an?

Aurten asteburu luzeagoak izango ditugu Euskadin, badira-eta jai batzuk astelehen eta ostiraletan. Beraz, asteburuak luzatzeko eta zubi bihurtzeko aukera izango dugu.

Adibidez, hori gertatuko da opor-garairik preziatuenetako batean, Aste Santuan (aurten, apirilaren 6tik 10era bitartean), edo maiatzaren 1ean (aurten, astelehena); hiru eguneko asteburua izango dugu azken horri esker.

Gainera, abuztuaren 15ak eta urriaren 12ak ere asteburua luzatzeko aukera emango digute, baina ez denei; asteartea eta osteguna direnez, hurrenez hurren, hobeto antolatu beharko dugu.

Abenduaren 8a ostirala da, eta Eguberri eguna —abenduaren 25a— astelehena. Beraz, jaiegun ugari eskainiko dizkigu abenduak, eta hobeto aprobetxatuko dugu Eguberrietako asteburua.

Irailaren 6a laneguna izango da berriz

2022an jai izan dugu irailaren 6an, Juan Sebastian Elkano Getariako marinelak lehen mundu-itzulia egin zuenetik 500 urte igaro zirela ospatzeko, baina 2023an laneguna izango da berriz irailaren 6a. Euskadik muga gisa jarritako 12 jaiegunak izango ditu; Eguberri eguna ere sartzen da jaiegunen zerrenda horretan, 2023an ez baita igandea izango, astelehena baizik.

Euskadiko jaiegunak

Euskadiko 2023ko lan-egutegiko jaiegunen zerrendari euskal udalek eta foru-aldundiek finkatutako beste bi egun gehitu behar zaizkie. Segidan, lurralde bakoitzeko udalerriek partekatuko duten jaiegunaren berri emango dizugu, eta Euskadiko festa esanguratsuenetako batzuk errepasatuko ditugu.

Festivos blog cuerpo 4000X2000 2

Gipuzkoako jaiegunak

Gipuzkoan, jaieguna izango da San Ignazio eguna, uztailaren 31; astelehena egokitu da aurten, eta, beraz, asteburu luze batez gozatzeko aukera izango dugu abuztu-bezperan.

Horrekin batera, euskal udalerri bakoitzak bere jaieguna izango du 2023an. Donostian, adibidez, urtarrilaren 20ko San Sebastian eguna gordeko da; egun seinalea da donostiarrentzat, egun garrantzitsuena, Donostiako Aste Nagusiarekin batera. Irunen, San Martzial eguna, ekainaren 30ean; Errenterian, Maria Magdalena eguna, uztailaren 22an; eta Eibarren, San Joan, ekainaren 24an.

Bizkaiko jaiegunak

Gipuzkoan bezala, Bizkaian ere jaieguna izango da uztailaren 31, San Ignazio Loiolakoaren eguna.

Gainera, zenbait udalerrik beste jaiegun bat ere izango dute aurten egutegian. Bilbon, urtero bezala, jai izango da abuztuaren 26a, ostirala, Aste Nagusiko egunik handiena izango baita. Barakaldon, San Alexo, uztailaren 17an; Getxon, San Isidro, maiatzaren 15ean; eta Sestaon, Done Petri, ekainaren 29an. Urduñan, ostera, jaieguna izango da maiatzaren 8a, “Otxomaio”ko jai entzutetsuak ospatuko baitituzte.

Festivos blog cuerpo 4000X2000 1

Arabako jaiegunak

Azkenik, Araban, apirilaren 28ko San Prudentzio jaia ospatuko dute. Gasteizen jaieguna izango da abuztuaren 5a, Andre Maria Zuriaren jaiak ospatuko baitituzte gasteiztarrek. Laudiok eta Amurriok San Roke eguna ospatuko dute abuztuaren 16an, eta Agurainek, berriz, Euskadiko beste herri askorekin batera, San Joan eguna ekainaren 24an.

Espero dugu informazio hau baliagarri izango zitzaizula zure hurrengo oporrak eta 2023ko egutegia antolatzeko. Familiarekin elkartzeko egunak, bat-bateko bidaiak edo ekitaldi bereziak antolatzeko, Interneteko konexiorik onena eskaintzen dizugu Guuk-en, jai bakar batek ere ez huts egiteko.

Erlazionatutako berriak
Euskal Hiria

San Silvestre en Euskadi

5 min

La afición por el deporte reúne a multitud de personas cada 31 de diciembre en Euskadi para disfrutar de la carrera de San Silvestre. Descubre cuál es su origen, dónde se celebra y conoce otras carreras populares con más tradición de nuestra región.