Itxi
Euskadin, paisaia berdeez, hondartza ederrez eta festa ikusgarriez gain, nabarmentzeko modukoa da, benetan ere, bertako gastronomia. Bakailaoa pil-pilean, txangurroa, pantxineta eta marmitakoaz harago, nabarmentzekoa da Goxua. 1976an sortu zuen postre hori Luis López de Sosoaga gozogile gasteiztarrak, eta gaur egun postre klasikoa da Euskal Herri osoan. Hemen duzu errezeta, betiko moduan prestatzen jakin dezazun.
Goxua euskal izen egokia da tradizio handiko postre honentzat, osagai-konbinazio benetan goxoa baitu. Gutizia honek hiru geruza ditu: lehenik, esne-gain harrotua; hurrena, almibarrarekin bustitako bizkotxoa; eta hirugarrenik, pastel-krema karamelizatua. Zapore-aniztasunak ez du parekorik.
Tradizionalki, buztinezko kazoletan zerbitzatzen da, baina batzuetan kristalezko kopa edo edalontzietan jartzen da, berezitasun honen hiru geruzak ikusteko. Tarta forma ere izan dezake, baina kasu horretan, oinarrian bizkotxozko beste geruza bat gehitzea gomendatzen da.
Sarrera irakurtze hutsarekin, seguru ahogozoa egin zaizula, eta ez da harritzekoa; denoi gertatzen zaigu. Ez kezkatu, hemen kontatuko dizugu-eta pausoz pauso zer egin behar duzun Goxua bikaina egiteko, zure gonbidatuentzat edo zeure gozamenerako. Izan ezazu dena prest eta ekin lanari.
Errezetak 40 minutuko prestaketa-lana eta 20 minutuz egostea behar du, hau da, guztira ordubete behar da. 6 mahaikiderentzat pentsatuta dago.
|
Goxua prestatzeko osagaiak (6 pertsona) |
|
|
Zer |
Zenbat |
|
Arrautzak |
2 |
|
Azukrea |
140 g |
|
Banilla-esentzia |
2 koilaratxo |
|
Gozogintzarako gari-irina |
60 g |
|
Arrautza-gorringoak |
3 |
|
Esne osoa |
500 ml |
|
Arto-irina |
2 koilara |
|
Azukre beltza |
100 g |
|
Ura |
100 ml |
|
Rona |
30 ml |
|
Harrotzeko esne-gaina |
250 ml |
Den-dena daukagunean, lanari ekingo diogu dena prest uzteko eta inork inoiz probatu duen Goxua onena lortzeko.
Goxua muntatzeko, moztu bizkotxoa eta busti almibarretan. Edalontzi baten hondoan, jarri esne-gain harrotuko geruza bat, eta ondoren, bizkotxo bustia.
Gehitu pastel-krema gainean, eta bota azukre pixka bat. Erabili soplete bat azukrea karamelizatzeko; sukaldeko pizgailu bat ere erabil dezakezu horretarako. Eta gozatzeko prest!
Aldez aurretik prestatzen baduzu, gorde Goxua hozkailuan, film gardenarekin ondo estalita. Zerbitzatu aurretik, bota azukre pixka bat gainetik eta gorritu pixka bat sukaldeko soplete batekin, karamelu-geruza kurruskari bat sortzeko. Sopleterik ez baduzu, karamelu likido pixka bat erants dezakezu antzeko emaitza lortzeko
Ahogozagarri hau egoki-egokia da gure gastronomiako edozein plateri laguntzeko, eta ezin hobea da otordu oro amaitzeko. Zerbitzatu aurretik, Goxuaren azukrea karamelizatzea gomendatzen dizugu, testura mantendu dezan. Gainera, beste aukera on bat da postre honi txokolate birrindu pixka bat eranstea , zapore ezin hobea ematen baitio.
Errezetarik onena esku artean izan arren, zenbait gozotegitan Goxua paregabe bat jan dezakezu eskuak batere zikindu gabe. Hona hemen hiru aukera, nahiago duzuna edo etxetik gertuen duzuna aukeratu dezazun.
Arabako hiriburuko gozotegi ikonikoa. Gaur egun, López de Sosoagatarren bosgarren belaunaldia da 1868an sortutako negozioaren buru. Hasieran esan bezala, gure gaurko gozokiaren sortzaileak direla esaten da, beste gozo askoren artean. Horregatik, ezin duzu galdu Gasteizen duten edozein lokaletara joateko plazera.
Bertako txutxitoak ospetsuak dira hiri osoan, baita txapelak eta kanutilloak ere. Baina Sosoaga ere leku bikaina da eskuz egindako palmerak eta konfiturarik onenak gustatzen bazaizkizu, horiek baitira bertako espezialitateetako bi.
Arabako tenplu gastronomiko bat, Michelingo BIB Gourmand-en bermea duena eta Repsol Gidak gomendatzen duena. Sukaldaritza tradizionalaren sinonimo da Zabala, eta merkatuko produktu freskoak ditu oinarri. Gasteizen dago, Mateo Moraza kaleko 9. zenbakian. Ez galdu aukera.
Antzematen da arreta berezia eskaintzen dietela osagaiei, hala nola perretxikoei, masailari (Errioxako erara prestatua, zoragarria!) eta erreboiloari. Diotenez, hemen zerbitzatu zen lehenengo Goxua 1976an, baina benetan garrantzitsua zera da, orduan bezala gozarazten dietela bezeroei gaur egun ere. Postrerako lekurik geratzen bazaizu, ez pentsatu birritan!
Txistu gozotegia da gure green capital xarmagarrian jende gehien biltzen duen tokietako bat. Isidoro Torreblanca du buru, 25 urtetik gorako esperientzia duen gozogintzako maisua.
Produktu guztiak eskuz egiten dira hemen: tarta, mousse eta pastel gozo-gozoak, Goxua ospetsuak, trufa apartak eta beste hainbat eta hainbat aukera. Gainera, hirian bertan tartak etxera eramateko zerbitzua ere eskaintzen dute.
Ziur gaude orain amantala jantzi eta lanari ekin nahiko diozula, edo tranpatxo bat egin eta Goxuak erostera joan nahiko duzula berehala, zure hiriko gozotegi onenera. Edozein dela ere zure aukera, Guuk-en zuretzat ditugun tarifak bezain ona izango da, jango zenituzkeen Goxuak bezainbeste giga baitituzte!
Este es uno de los postres más ricos que hacemos en Euskadi y es evidente que queremos saber cómo hacerlo en casa para sorprender a nuestra familia o amigos.
Hemendik aurrera, euskara zure ama-hizkuntza ez izatea ez da aitzakia izango hizkuntza hutsetik ikasi eta maila ona lortzeko.
Que el euskera no sea tu lengua materna ya no es una excusa para poder aprender el idioma desde cero y conseguir un buen nivel.
Hiriko zaindariaren omenez egiten den ospakizun hau Donostiako historiaren parte da 1597tik.
Este plan cuenta con un presupuesto de más de 16 millones de euros divididos en dos incentivos diferentes que te ayudarán a hacerte con un coche híbrido y eléctrico.
Laguntza-plan horrek 16 milioi eurotik gorako aurrekontua du. Bi pizgarritan banatuta dago, eta auto hibridoa edota elektrikoa eskuratzen lagunduko dizute.
