2023-2024 ikasturteko Euskadiko eskola-egutegia: data ofizialak

Amaitu dira oporrak eta bidaiak! 🏖️ 😔Baina berri onik ere bada. Bueltan dira goiz jaiki beharra, etxeko lanak eta eguneroko eginbeharrak, baina, bestalde, lagunak berriz ikusteko, hitzorduak finkatzeko eta beste hainbat kontutarako garaia ere bada iraila. Eta horretarako, noski, komeni zaizu ondo ezagutzea 2023-2024ko ikasturteko Euskadiko eskola-egutegia.

Jakina denez, urteko programazioa aldatu egiten da autonomia-erkidegoaren arabera, eta guk geure data ofizialak ditugu Bizkaian, Gipuzkoan eta Araban. Urtero argitaratzen du programazioa Eusko Jaurlaritzaren Hezkuntza Sailak, eta... hemen da dagoeneko.

Beraz, hartu papera eta arkatza ezerk ez huts egiteko; ez jaiegunek, ez eskola-egunek, ez egun bereziek. Hona hemen 2023-2024 ikasturteko Euskadiko eskola-egutegia.

2023-24 ikasturteko Euskadiko eskola-egutegia

Datak aldatu egiten dira hezkuntza-mailaren arabera (batez ere, ikasturtearen amaierakoak). Ez kezkatu, guztien berri emango baitizugu, hasi Haur Hezkuntzatik eta Batxilergoraino eta LHraino. Hau duzu jakin beharrekoa:

• 2023-2024ko ikasturtea Euskadin: 2023ko irailaren 1etik 2024ko ekainaren 28ra (oporrak eta jaiegunak kenduta)

Horrek ez du esan nahi eskolak egun horretan hasten direnik, baizik eta ikasturteko data guztiak bi muga horien artean sartzen direla. Baina adierazten du, hori bai, zer egunetan hasten diren lanean irakasleak eta langile akademikoak.

Eta orain bai, hemen da ikasle gisa edo guraso gisa interesatzen zaizun informazioa: 2023-2024 ikasturteko Euskadiko data ofizialak.

2023-2024 IKASTURTEKO EUSKADIKO ESKOLA-EGUTEGIA
HEZKUNTZA-MAILA	LEHENENGO ESKOLA-EGUNA	AZKEN ESKOLA-EGUNA
Haur Hezkuntza	2023ko irailak 7	2024ko ekainak 21
Lehen Hezkuntza	2023ko irailak 7	2024ko ekainak 21
DBH	2023ko irailak 7	2024ko ekainak 21
Batxilergoko 1. maila	2023ko irailak 7	2024ko maiatzak 31
Batxilergoko 2. maila	2023ko irailak 7	2024ko maiatzak 17
LH	2023ko irailak 7	2024Ko ekainak 6
Musika-kontserbatorio profesionalak	2023ko irailak 7	2024ko ekainak 21
Helduen Hezkuntza (HHE)	2023ko irailak 15	2024ko ekainak 21
CPED KIROLENE KIIP	2023ko irailak 1	2024ko ekainak 28
Hizkuntza-eskola ofizialak (HEO)	2023ko irailak 27	2024ko maiatzak 16
Arte Dramatiko eta Dantza Goi Mailako Eskola	2023ko irailak 7	2024ko ekainak 21
Euskadiko Arte eta Goi-mailako Diseinu Eskola Publikoa	2023ko irailak 7	2024ko ekainak 21

2023-2024 ikasturteko Euskadiko eskola-egutegiaren oinarrizko betekizunak

Egunak alde batera utzita, lege-testuak beste kontu batzuk ere aipatzen ditu zure plangintzarako garrantzitsu izan daitezkeenak.

Hauek dira Haur eta Lehen Hezkuntzako ordutegiaren baldintza ofizialak:

• Arratsaldez: 2 eskola-saio, guztira gutxienez 90 minutu iraungo dutenak.
• Goizeko eta arratsaldeko saioen artean ordu eta erdiko atsedenaldia egongo da gutxienez.

Eta hauek dira DBH eta Batxilergokoak:

• Goizeko eskolak ez dira hasiko 8:00ak baino lehen, ezta 9:00ak baino beranduago ere.
• Goizeko eta arratsaldeko saioen artean ordubeteko atsedenaldia egongo da gutxienez.
• Ezingo dira eman 3 eskola-ordu baino gehiago segidan atsedenaldirik gabe.
• Atsedenaldiek 15 minutu iraun behar dute gutxienez. Atsedenaldi bakarra egiten bada egun osoan, 30 minutu iraun behar du gutxienez.

2023-2024 IKASTURTEKO ESKOLA-EGUNAK EUSKADIN
HEZKUNTZA-MAILA	EGUNAK GUZTIRA
Haur Hezkuntza	175
Lehen Hezkuntza	175
Bigarren Hezkuntza	175
Batxilergoko 1. maila	160
Batxilergoko 2. maila	160
LH	165
Helduen Hezkuntza (HHE)	175
Musika-kontserbatorio profesionalak	160
Hizkuntza-eskola ofizialak (HEO)	120
Euskadiko Arte eta Goi-mailako Diseinu Eskola Publikoa	160
Arte Dramatiko eta Dantza Goi Mailako Eskola	160
CPED KIROLENE KIIP	Kasuaren arabera

Kontuan izan zikloen arteko aldeak praktiketarako eta ikasgelatik kanpoko beste jarduera batzuetarako epeek eragiten dituztela. Gainera, lehen eguna ikasturtea aurkezteko izan ohi da hezkuntza-maila guztietan, eta egun hori ikasturteko ordu-zenbateko osoan sartzen da.

2023-2024 ikasturteko oporrak Euskadin

Bai, bai, lasai, oporrak ere izango dira eta. Aurten ez gara geldituko udako, Aste Santuko eta Gabonetako ohiko asterik gabe. Hori bai, aldeak daude maila batetik bestera; beraz, hobe idatziz jasotzen baduzu taulako informazioa.

2023-2024KO ESKOLA-OPORRAK EUSKADIN
ALDIA	HASIERA	AMAIERA
Aste Santua	2024ko martxoak 28	2024ko apirilak 1
Uda	Ikasturteko azken eguna (ikusi lehenengo taula)	2024-2025 ikasturteko lehen eguna
Gabonak	2023ko abenduak 23	2024ko urtarrilak 7

2023-2024 ikasturteko jaiegunak Euskadin

Gauza bera gertatzen da eskolarik gabeko egunekin, ia guztiz bat baitatoz Euskadiko langileek dituztenekin. Horrek ez du zerikusirik zubirik egiteko edo ez egiteko aukerarekin (egun gehiago asteburuarekin lotuz, alegia)

2023-2024 IKASTURTEKO JAIEGUNAK
JAIEGUNA	DATA
Hispanitatearen Eguna	2023ko urriak 12
Domu Santu eguna	2023/ko azaroak 1
Konstituzioaren Eguna.	2023ko abenduak 6
Sortzez Garbiaren eguna	2023ko abenduak 8
Eguberri eguna	2023ko abenduak 25
Urteberri eguna	2024ko urtarrilak 1
Errege eguna	2024ko urtarrilak 6
San Sebastian eguna (Donostian bakarrik)	2024ko urtarrilak 20
Ostegun Santua	2024ko martxoak 28
Ostiral Santua	2024ko martxoak 29
Pazko Astelehena	2024ko apirilak 1
San Prudentzio eguna (Gasteizen bakarrik)	2024ko apirilak 29
Langileen eguna	2024ko maiatzak 1

Hori da guztia! Ikusten duzunez, data guztiak ondo finkatuta daude, irakasleak eskola ematen has daitezen. Hori bai, arbelaren aurrean eseri aurretik, ez ahaztu mugikorra hartzea eta konexio ona duzula egiaztatzea. Sartu Guuk-en webgunean, eta ikusi zer eskaintzen duen!