WhatsApp aplikazioaren funtzio berriak. Jarri egunean!

Munduan gehien erabiltzen den berehalako mezularitzaren aplikazioak 12 urte bete ditu. 2.000 milioi erabiltzailetik gora ditu WhatsAppek, eta komunikatzeko baliabide nagusia da, ez bakarrik maila pertsonalean, baita profesionalean ere, enpresen barruan.

Laster gure gailuetara iritsiko diren funtzio berrietan ari da lanean etengabe WhatsAppeko garapen-taldea. Azken nobedadearen berri izan nahi duzu? Android 2.21.14.6rako WhatsAppeko beta bertsioa eguneratzen ari dira garatzaileak, argazkiak eta bideoak hainbat kalitate-formatutan bidal ditzazun, behar eta lehentasunen arabera.

Ezerk ez digu amorru handiagoa ematen gure mugikor-tarifan gigarik gabe geratzeak eta zure kontaktuek bidaltzen dizuten edukia deskargatu ezinik geratzeak baino. WhatsApp-en xedea beti izan da edukia azkar bidali ahal izatea, datu mugikor gehiegi kontsumitu gabe. Horretarako, aplikazioaren bidez bidalitako irudiak eta bideoak automatikoki konprimitzen dira, eta, beraz, zenbait edukik kalitatea galtzen dute jatorrizko fitxategiarekiko, baina, hala, azkarrago bidaltzen dira.

Automatikoa, Kalitate hobea edo Datu-aurrezpena.

Eguneratze berrian, erabiltzaileek erraz aukeratu ahal izango dute argazkiak edo bideoak "Automatikoa", "Kalitate hobea" edo "Datu-aurrezpena" modua erabiliz bidali nahi dituzten. Moduen izenei erreparatuta, nola funtzionatuko duen asma dezakegu. Hala ere, oraingoz, ez dakigu zer esan nahi duen argazkiak "kalitate hobearekin" bidaltzeak, eta konprimituko diren ala ez. Erabiltzaileek hiru aukera izango ditugu biltegiratzeari eta datuei buruzko ezarpenetan, txatetan partekatutako bideo eta argazkien kalitateari dagokionez.

"Automatikoa" moduan (gomendatua) kalitate hobea eta datu-aurrezpena txandakatzen dira, erabiltzailearen konexioaren arabera. Argi dago ikus-entzunezko fitxategi bat kalitate hobearekin bidaliko dela etxean zuntz optiko simetrikoa badugu, datu-sare bat erabiltzen badugu baino. Aldiz, kalean gaudenean eta sare mugikorra soilik dugunean, kalitatea jaitsi egingo da, artxiboak leku gutxiago har dezan eta lehenago bidal dadin.

Bestalde, "Kalitate hobea" aukera hautatzen badugu, izenak dioen bezala, bideoak ahalik eta kalitate onenarekin bidaliko dira beti; "Datu-aurrezpena" aukerarekin, berriz, mezularitza-aplikazioak konprimitu egingo ditu bidali aurretik.

Funtzio hori azkenean nola gauzatzen den eta WhatsApp bidez bidaltzen ditugun artxiboen kalitateari nola eragiten dion ikusi beharko da. WaBetaInfo-ren arabera, funtzionalitate berri hori garapen-fasean dago, baina badirudi laster iritsiko dela beta bertsioaren erabiltzaileengana. Berehala da hemen!