Itxi
Tenperaturek behera egin dutela, egunak laburtu direla eta grisak eta itzaliak direla..., zer esango dizugu zuk ez dakizunik! Baina ba al zenekien udazkena, epela delako, landatzeko garairik onenetako bat dela? Udaberria baino are hobea! Udazkenaren hasieran landatuta, neguko euriak arduratzen dira ureztatzeaz, eta landareak egonkortuta egongo dira udaberrirako.
Zuri ere edozergatik hiltzen al zaizkizu landareak? Edo inguruko zuhaitz eta landareekiko jakin-mina al sentitzen duzu? Bada, gustatuko zaizu informazio hau: zure smartphonea da lorezaintza, botanika edo baratzezaintza atsegin dutenentzako erremintarik onena. Izan ere, zure mugikorreko kamera erabilita, inguruko landare, lore eta zuhaitzei buruzko informazio interesgarria aurki dezakezu. Guuk-en aplikazio batzuk prestatu ditugu, oso erabilgarriak izango zaizkizunak zure inguruko florarekin egiten dituzun denbora-pasetan.
Beti ahazten bazaizu landareak ureztatzea, aplikazio hau zuretzat da. Waterbot-ek, batez ere, ureztaketan jartzen du arreta. Etxean duzun landarearen irudi bakarra nahikoa da ureztatze-maiztasuna konfiguratzeko. Aplikazioak jakinarazpen bat bidaliko dizu eguna iristen denean, eta landarea 'ureztatua' dagoela markatu ahal izango duzu ura botatzen diozunean. Waterbot-ek Androiderako eta iOSerako bertsioak ditu.
Landare basatien Wikipedia deitzen diote batzuek. Aplikazio honek, landare baten argazkia erabiliz, espezie basatiak eta apaingarriak identifikatzeko aukera ematen dizu. Lau zientzialari frantsesek garatutako aplikazio honek Europako mendebaldeko sei mila espezie baino gehiago zerrendatzen eta ezagutzen ditu. Erabiltzaileek landare gehiagoren informazioa eta irudiak ere gehitu ditzakete; beraz, aplikazioak handitzen jarraitzen du. PlantNet-ek Androiderako eta iOSerako bertsioak ditu.
Play Store osoan deskarga gehien dituen aplikazioa aurkezten dizugu. 30 milioi deskarga, alajaina! Eta ez zaigu harritzekoa iruditzen, merkatuan dagoen aplikazio osoenetako bat baita eta Googleren gomendio-zigilua baitu.
Adimen artifizialarekin konbinatutako bilaketa-motorraren bidez, landareen % 98 ezagutzen du aplikazioak. Gainera, beste funtzio batzuk ere baditu, hala nola landareak zaintzeko gidak, ureztatze-, inausketa- edo fumigazio-abisuen konfigurazioa, etab. PictureThis-ek Androiderako eta iOSerako bertsioak ditu.
Ez litzaizuke gustatuko botanikan aditua den norbait gertu izatea zure landarea pattal dagoela ikusten duzunean? Bada, deskarga dezakezun doako landare-identifikatzaile onenetako bat duzu hau. NatureID gaztelaniaz ez dagoen arren, funtzionamendua oso erraza eta eraginkorra da: argazkia atera, eta aplikazioak landare horren “biografia” osoa eskaintzen dizu, eta, gainera, landarea gaixorik dagoen esaten dizu eta zein tratamendu aplika diezaiokezun proposatu.
Ikusten duzunez, udazkena garai ona da naturarekin konektatzeko eta aire zabaleko planez gozatzeko. App ugari daude landareez gozatzeko edo perretxikoak biltzeko. Guuk-en etxetik kanpo egiten dituzun planen berri ematen jarraituko dugu.
Mugikorretarako aplikazio ugari daude etxeko txikiekin pentsaturik, batzuk besteak baino ezagunagoak, baina aplikazio guztiak interesgarriak, konbinatu egiten baitituzte entretenimendua eta jakintza.
Bidaien antolaketa azken unerako uzten duten horietakoa zara? Edo, alderantziz, zure oporrak eta bidaiak xehe-xehe planifikatzen ematen duzu urtea? Seguru asko, zure txangoei zukua nola atera pentsatzen ariko zara: ez duzu ezer utzi nahi bisitatu gabe, ezta tokiko gastronomia dastatu gabe utzi edo zure helmugako txokorik onenak gozatu gabe utzi nahi ere. Horregatik, zure bidaia planifikatzeko mugikorreko aplikazio onenak hautatu ditugu.
Fintech aplikazioei eta enpresei buruz jakin behar duzun guztia. Zer diren, nola erabiltzen diren eta modan dauden finantza-aplikazioen abantailak esaten dizugu.
Euskadiko eta Nafarroako gizarte-eragileekin konektatzeko sortu zen Guuk, sinergiak sortzeko eta lurraldearen eraldaketa digitala bultzatzeko. Konpromiso sendo horretatik sortu zen Kirol App proiektua, tokiko kirol-kluben digitalizazioa bultzatzeko eta haien zaletasunekin komunikatzeko bide berriak aztertzeko garatu den mugikorretarako aplikazioa.
Aplikazio mugikorrak aliatu handi bihurtu dira gure oporrak planifikatzeko. Bai Euskadira ihesaldi bat egitea planteatzen ari bazara, bai hemen bizi bazara ere, baina egun hauek zure ingurunea ezagutzeko aprobetxatu nahi badituzu, ezin duzu galdu Euskadi ezagutzeko aplikazio mugikorren aukeraketa hau.
Orain, urtea hasi eta dena asmo berriak ditugunez, etxetik kirola egiteko aplikazio batzuk dakarzkizugu. Aplikazio horiek zure Smart TVra konektatu edo zuzenean zure mugikorrean edo tabletan deskargatu ditzakezu.
