Itxi
Eguraldi ona dagoenean, ez dago aire zabaleko jarduerak egitea bezalakorik. Eta, hondartzak eta parkeko piknikak izugarri maite ditugun arren, Nafarroan baditugu dibertsioz eta naturaz betetako beste aukera batzuk: hamaika jarduera original eta desberdin eskaintzen dizkiguten abentura-parkeak.
Urtero, eguzki- eta bero-garaia iristen denean, Nafarroako abentura-parkeak gure erkidegotik zein hurbileko beste leku batzuetatik etortzen diren bisitari andana jasotzeko prest egoten dira. Eta, noski, zuk ere ezin dituzu galdu.
Post honetan, Nafarroako 5 abentura-parkerik onenak zein diren azalduko dizugu, izenak gorde eta etxeko txikienak bertara eraman ditzazun edo koadrilako lagunekin plan desberdin bat antola dezazun. Ezagunenekin hasiko gara, baina mota guztietako abenturazaleentzako aukerak aipatuko dizkizugu.
Arguedasen dago, Errege Bardea Parke Natural ikusgarriaren ondoan. Bardea Biosferaren Erreserba izendatutako paraje erdibasamortutar bat da, eta hantxe dago kokatuta familia osoarentzako aisia-parke berezi hau, nahasketa paregabe bat eskaintzen duena: atrakzioak, natura eta ikuskizunak.
Parke honetan, mundu osoko 1.000 animalia baino gehiago ikusi ahalko dituzu, eta 30 bat atrakzioz gozatu, haietako asko uretakoak, udan fresko egoteko ezin hobeak.
Gainera, familia osoak egun ahaztezina igarotzeko diseinatutako ikuskizunak eta jarduerak eskaintzen ditu.
Sendavivako atrakzioak fantasia hutsa dira, gustu guztietarako pentsatuak, lasaienetatik ausartenetaraino.
Lasai ibili nahi baduzu eta urez inguratuta, lakuko txalupekin, bumperrekin, lasterrekin eta ur-labirintoarekin has zaitezke, edo zaldikoen gainean jarri eta txikientzat ezin hobeak diren hamaika jolasez gozatu.
Baina benetan emozioa eta abentura nahi badituzu, ez galdu atrakzio hauek: Zipline Handia, Bobsleigha, Erronkariko Legenda, Jauregi Sorgortua, Aulki Hegalanak edo Naturaren Garrasiak.
Pixka bat iparralderago, itsasotik hurbil, aurkituko dugu gure hurrengo helmuga: Igantzin, Bortzirietako eskualdean. Hemen landaguneko benetako resort bat aurkituko duzu, ezertxo ere falta ez zaiona. Begira zer zoragarria!
Dibertsioak amaierarik ez duen leku bat. Parkeak hamaika jarduera eskaintzen ditu, publiko guztientzat gainera. Zentzumenen ibilbide tematikoak, mitologikoak, abenturazkoak, arborismoa, tibetar zubia, tirolinak, pendulua, laser taga eta disc golfa, baita pump track zirkuitu bat ere.
Lehenago esan dugun bezala, hau resort bat da, eta horrek esan nahi du bertako instalazioetan behar duzun guztia aurkituko duzula.
Elizondon kokaturiko Baztan Abentura Park Nafarroako beste altxor bat da, eta ez die inbidiarik izen handiko beste parke batzuei (Sendavivari, esaterako).
Parkeak zure bihotza indarrez taupaka jarriko duten jarduera ugari eskaintzen ditu: zerua zeharkatzen duten tirolinak, arroila-aquapark natural bat, bertigoa eragingo dizun mega pendulua eta esploratzaile izateko grina piztuko dizuten ibilbideak.
Burdinbideak segurtasunez eskalatzeko erronka botako dizu, eta publiko guztientzako egokia den esperientzia paregabe bat eskainiko dizu ametsezko ingurune batean.
Bertizko Jaurerria Natur Parketik gertu, Bertiz Abentura Park dago, aukera lasaiagoa baina harrigarria berdin-berdin.
Bertan, naturaz gozatu ahal izango duzu bi jarduera nagusiren bidez: arborismoa eta paintballa. Leku ezin hobea da txikienekin partekatzeko. Eraman behar dituzun gauza bakarrak: arropa erosoa eta ondo pasatzeko gogoa.
Artamendia abentura-parkea Zangozan dago, eta funtsezko geltokia da gure zerrendan. Han, zubiak, plataformak eta tirolinak aurkituko dituzu, eta gazteentzat zein helduentzat erronka bikaina diren bi zuhaitz-zirkuitu.
Gainera, Irunberriko arroilatik gertu dagoenez, aitzakia paregabea da Nafarroako paisaiarik ikusgarrienetako bat ezagutzeko; plan ezin hobea abenturaz betetako ihesaldi bat osatzeko.
Azkenik, Urbasa Abentura Park Urbasa mendilerroaren magalean dago. Parke honek zailtasun-maila desberdinetako aireko ibilbideak eskaintzen ditu, adin eta ezaugarri fisiko guztietara egokituak.
Egurrezko plataformen, tibetar zubien eta burdinbideen artean, naturaz topera gozatzeko behar duzun guztia aurkituko duzu.
Abentura-parke horiek Nafarroako bitxiak dira, eta esperientzia paregabe eta zirraragarriak eskainiko dizkizute, adrenalina bilatzen dutenentzat eta natura maite dutenentzat ezin hobeak. Guuk-en izugarri gustatzen zaigu zuk gozatzea, eta, konexiorik onena senti dezazun, giga askoko tarifak eskaintzen dizkizugu zuk nahi duzunarekin goza ditzazun.
Jarraian aipatuko dizkizugun bost abentura-parkeetan plan bikainak egin ditzakezu: laser taga, zubi tibetarra, paintballa eta zuhaitzetako zirkuituak.
Nafarroako herri txiki honek jauregi ospetsua du, baina horrez gain estilo gotikoa, lorategi joriak eta gehiago du eskaintzeko.
Hondartzatik eta Frantziako mugatik kilometro gutxira kokatuta, leize hauek espazio natural magikoa eskaintzen dute, estalaktita eta txoko enigmatikoz betea.
Tuteran, Iruñean, Andosillan eta Luzaiden, besteak beste, sorpresa handiak dituzu zain Aste Santuko jaietan: prozesioak, Pasioak eta gehiago.
Ezagutu Nafarroan ikusi beharreko gaztelu eta jauregi ederrenak. Nafarroako gazteluen historia eta haien bitxikeriak. Ezagutu Guuk-ekin!
Herri txiki hau Baztango haran handiko eraikuntza klasikoen erakusgarri paregabea da, Nafarroa bisitatzean baztertu ezinekoa.
