Katamaran-ibilbideak Donostiatik abiatuta

Donostian gauza polit asko daude ikusteko, eta guztiak ezin dira oinez bisitatu! Euskal kostaldearen xarma are handiagoa da itsasotik ikusten denean. Katamaran-ibilbide batzuk eginda, Kontxako badiaren eta gure hiriko beste altxor batzuen edertasunaren ikuspegi desberdina izango duzu.

• Pintxoak jateko Donostiako tabernarik onenak: pote batzuk Alde Zaharrean!

Donostian, guztiok ezagutzen ditugu Victoria Eugenia antzokia eta pintxoak jateko taberna handiak, baina hiriak itsas historia aberatsa eta giro kosmopolita ere baditu: ekin diezaiogun aurkikuntzaz eta abenturaz beteriko bidaia bati.

Katamaran-ibilbideak Donostiatik abiatuta

Katamaran batean goazela Donostia esploratzea da Gipuzkoa guztiko abentura nautiko desiratuenetariko bat. Kostalde ederra eta Kontxako badia zoragarria zeharkatzen dituen ibilbidea da arrakastatsuenetariko bat.

Donostia inguruko kostaldea katamaranez esploratzea

Esperientzia paregabe bat bizi nahi duzu Donostian? Ez dago hiri eder honetako kostaldea eta badia katamaranez esploratzearen parekorik. Ibilbide hauetan, hiriko txoko ezagunenak ikuspegi berri batetik ezagutuko dituzu.

Badiaren profil dotorea eta kostaldeko xehetasun ederrak: katamaranean igarotzen dituzun une guztiak izango dira ahaztezinak.

Gainera, esperientzia aberatsagoa izan dadin, konpainiek audiogida bat eskaintzen dute, aukera emango dizuna bisitatuko dituzun interesgune guztiak ezagutzeko, eskualde harrigarri honen historia eta kultura sakonago azalduko baitizkizu.

Murgildu zaitez 40 minutuz Kontxako badian eta Donostiako kostaldean zeharreko katamaran-bidaia batean, eta ezagutu hiriaren alderdi ederrak itsasoak ematen duen ikuspegi paregabetik.

Donostiatik Albaolarako bidaia itsasontzian

Itsasontzian ibiltzearen emozioa bisita kultural harrigarri batekin konbinatu nahiko zenuke? Bada, ez huts egin Donostiatik Albaolara eramango zaituen bidaia.

Nabigatu ur gardenetan Pasaiara iritsi arte, han baitago Albaola museo ikusgarria. Euskal Herriko itsas ondarea zaintzea eta aztertzea helburu duen museo hori bisitatu beharrekoa da historiaren eta nabigazioaren zaleentzat.

Hara iritsitakoan, bi aukera dituzu: Albaola ikus dezakezu zeure erritmoan eta zure kontura itzuli, edo itsasontzi-bidaiaz gozatzen jarraitu dezakezu Donostiara itzultzen zaren artean. Zeuk aukeratu!

Katamaran bat alokatzea Donostian

Adi, ez da hor bukatzen. Zure lagun eta senideekin buelta bat eman eta zerbait behar bezala ospatu nahi baduzu, katamaran bat aloka dezakezu. Zenbait aukera daude: enpresa-ekitaldiak, ospakizun pribatuak, etab.

120 pertsonarentzako tokia ere badute. Berebiziko esperientzia bat izango duzu Donostiako kostaldea eta badia esploratzen dituzun artean. Ez duzu inolako kezkarik izango, haiek hautatuko baitute musika, ibilbidea, janaria... Guzti-guztiaz arduratuko dira. Gozatu baino ez duzu egin beharko.

Baina badira aukera gehiago ere. Ez baduzu halako jai handirik nahi eta bisita gidatu bat egiteko gogotan bazabiltza, katamaran osoa aloka dezakezu zure taldearekin joateko. Bisita gidatu pertsonalizatua izango duzue, eta inork ez dizue trabarik egingo.

Zer ikus dezakezu Donostiako badian zeharreko katamaran-ibilbidean?

Prestatu prismatikoak edo zure kameraren zooma, Donostiako kostaldea zoragarria baita itsasontzitik ikusita! Hemen dituzu ur gardenetan nabigatzen duzun artean ontzigainetik ikusi ahal izango dituzun toki ederretako batzuk:

• Kontxako badia: itsasotik Kontxako badia ezagunaren ikuspegi panoramiko paregabea izango duzu; badiaren maskor-forma eta urre-koloreko hondarra duten hondartzak ikusiko dituzu. Oso-osorik ikusi ahal izango duzu Urgull eta Igeldo mendiek babesten duten badia polit hau; mendiak berak ere atzean ikusiko dituzu, ezin ederragoak.
• Ondarreta hondartza: Kontxako badiaren ondo-ondoan dago Ondarreta hondartza, Donostiako beste altxorretako bat. Itsasontzitik ikusi ahal izango duzu hau ere. Hondartza hau lasaiagoa da, ez baita hain jendetsua. Ikuspegi zoragarria du, hondarretik bertatik Kontxako pasealeku dotorea ikusten dela.
• Begiratoki eta jauregiak: hiriko interesgune ezagunenetako batzuk ere ikusi ahal izango dituzu itsasotik, hala nola Miramar jauregia, Espainiako errege-erreginen familiaren udako bizitokitarako eraikia, eta Igeldo mendiko begiratokiak, zeinek hiriaren eta itsasoaren ikuspegi paregabeak baitituzte.
• Itsasoko fauna: Ireki ongi begiak, ur hauetako itsasoko fauna ikusteko. Izurdeak ikusi ahal izango dituzu olatuen artean jolasean, baita itsas hegaztiak ere horizontean. Eta, zortea baduzu, baliteke balearen bat ere ikustea urrunera.

Ikusi duzunez, Donostiatik abiatzen diren katamaran-ibilbideak parekorik gabeko esperientziak dira Kontxako badia eta euskal kostaldea beste ikuspegi batetik esploratzeko. Itsasoaren baretasuna eta fauna ikustearen emozioa biziko dituzu une magiko eta paisaia zoragarriak eskainiko dizkizun abentura ahaztezin honetan.

Ez galdu bidaia zirraragarri hau egiteko eta euskal kostaldean ezkutatzen diren altxorrak ezagutzeko aukera. Partekatu une berezi horiek lagun eta senideekin, zure tarifako GBez kezkatu gabe: utzi hori Guuk-en kontura.