Bilboko 2024ko aratusteak: Farolin, Zarambolas, tradizioa eta data

Aratusteak kolorez eta musikaz betetako jaiak dira. Bilboko kaleak berpiztu egiten dira tradizioa, ospakizuna, sormena eta poz kutsakorra bateratzen dituen giroari esker. Ez huts egin Bilboko 2024ko aratusteetako data. Han izango dira Farolin, Zarambolas eta gehiago.

• Euskadiko jaiegun guztiak: 2024ko lan-egutegia

Historiaz betetako konpartsetatik gaur egungo adierazpenetara, Bilboko aratusteek koloreak, musika eta tradizio errotuak bateratzen dituzte.

Atera oharrak hartzeko aplikazioa, eta idatzi kultura-ugaritasunean zeharreko bidaia honi buruzko informazio guztia. Ikusiko duzunez, jai honek iragana eta oraina batzen ditu emozioz eta dibertsioz betetako esperientzia paregabe batean.🎉

Bilboko 2024ko aratusteak: 40 urte instituzionalizatu zirenetik

Erramu-iganderako 40 egun falta direnean, Bilbo inauteri-giroan murgiltzen da, Farolin eta Zarambolas maitagarriek gidatuta, pertsonaia horiek baitira jai hauetako protagonistak, Sardina andre ikonikoarekin batera.

Sardina gaixoa erretzeko ekintza sinbolikoarekin amaitzen dira jai hauek: agur esan behar die Bilboko aratusteei, eta garizumari hasiera eman, urtero bezala sutan erretzen dela.

Farolinen eta Zarambolasen epaiketa bereziarekin hasten dira inauteriak. 1984ko aratusteetan ezarri zen lehenengoz Farolin eta Zarambolasen epaiketa, aratuste tradizionaletan ohikoa zen urteroko pertsonaia “gaiztoa” epaitu eta zigortzearen eredua ekartzeko hirira.

Ikuspegi umoristikoa eta txirenea eman zitzaion, onaren eta gaiztoaren sinplifikazioa saihesteko. Aldiz, sari bat ematea erabaki zen, bilbotarren nortasun arketipikoaren dualtasuna satirizatzeko.

Hala, dibertsioa, satira eta Bilboko aratusteetako giro berezianagusitzen dira jai hauetan.

Bilboko aratusteek 40 urtean izan duten bilakaera

Aurten 40 urte dira Bilboko aratusteak 1984an sortu zirenetik, eta, gaur egun, mozorro eta musikazko jai bat baino gehiago dira.

Hiriaren eta bertako biztanleen nortasunaren isla argia da, eta Farolin eta Zarambolasen epaiketa ikonikoan sortzen den bilbotarren arketipoen arteko lagunarteko eta umorezko liskarra nabarmentzen da. Tradizio hori aldatuz joan da urtetik urtera, eta aberastu egin da herritarren parte-hartze aktibo eta gogotsuari esker.

Bilboko aratusteetan, tradizioa eta modernotasuna bateratzeaz gain, tokiko identitatea ospatzeko elkargune komunitario bat sortzen da.

Ekitaldia aratuste hutsa baino gehiago da: Bilboren erresilientziaren eta izaera komunitarioaren lekukoa da. Urtetik urtera, beren kultura goraipatzeko, elkarrekin barre egiteko eta betiko gordeko dituzten oroitzapenak eraikitzeko elkartzen dira herritarrak.

Farolin eta Zarambolas bilatzea

Bilboko aratusteetan tradizioa gordetzeaz arduratzen den taldeak, Orden Botxerak, deialdi ireki bat egin du, herritarrek Farolin eta Zarambolas figura ikonikoetarako izenak proposa ditzaten.

Aurtengo deia bilbotar guztiei zabaldu zaie, eta jaietako parte aktibo izatera gonbidatu dira. Farolin eta Zarambolas ez dira desfileko pertsonaia hutsak: aratusteen bihotza dira, Bilbo hiriaren poza eta idiosinkrasia irudikatzen baitituzte.

Sinbolo horiek aukeratzeko prozesuan, tokiko kultura aintzatetsi eta goraipatzen da. Farolinek bilbotarren anbizioa eta espiritu ekintzailea pertsonifikatzen ditu, eta Zarambolasek bizipoza eta oraina etengabe ospatzeko nahia irudikatzen ditu.

2024ko aratuste hauek gogoangarriak izango dira. Lutxo Egia eta Jasone Akizu izango dira Farolin eta Zarambolas. Aratusteetan ere, Euskal Herriko eta haragoko kulturaren eta jaien epizentroa izango da Bilbo.

Aratusteetarako prestatze-lanak pil-pilean daudela, Lutxo eta Jasone Farolin eta Zarambolas izango direla jakiteak ikusmira handia eragin du. Izan ere, Bilboren dibertsitatea eta talentua irudikatzen dituzte,

eta, horrez gainera, iraganean ospatu zutenen eta etorkizunean jai paregabe hauetaz gozatzen jarraituko dutenen belaunaldi arteko lotura adierazten dute.

Orain bai, lagunak elkartu eta Bilboko aratusteetan ondo pasatzera joateko irrikan izango zara. Ba gogoan hartu aurten otsailaren 8tik 13ra izango direla. Zatoz tradizioaren eta modernotasunaren bat-egite honetara, kolorez betetako kaleetan ondo pasatzera; Guukekin, nahi adina giga izango duzu.