Itxi
Euskadin, mendia eta itsasoa, zirimiria eta eguzkia eta tradizioa eta berrikuntza ditugu. Eta, zer esanik ez, gastronomia. Erakargarritasun handiko helmuga gastronomikoa gara: urtero bi milioi bisitari baino gehiago jasotzen ditugu (Eustat). Horregatik eskaintzen dizugu influencer foodieen aukera bat, ibilbide gastronomiko bat egin dezazun Euskadin zehar. Guuk-en 8 influencer foodie Euskadiko jatetxe eta taberna onenak ezagutzeko hautatu ditugu.
Pintxoz beteriko barra koloretsua, txuleta eder baten txingar-usaina, parrillan prestatutako arrain baten testura eta gilda baten zapore bizia. Eta hori guztia txakolin eder batekin: Bizkaikoa edo Gipuzkoakoa, betiko eztabaida. Sagardoa ere badugu, sagardotegi- denboraldian halako une onak ematen dizkiguna.
Bisitari askoren helmuga eta beste askoren etxea da Euskadi. Baina bada batzen gaituen zerbait: gastronomia. Sare sozialen eta turismoaren arteko loturaren adibide garbi bat dira influencer foodieak, eta plan, iradokizun eta aukera ugari eskaintzen dizkigute. Oso lagungarriak dira Euskadira datozen bisitarientzat, baita bertokoentzat ere, proposamen gastronomiko berriak, modako jatetxeak eta betiko tabernak erakusten baitituzte beren aukeretan.
Azken urteotan izugarri aldatu da kritikari gastronomiko ezagunen zeregina. Gaur egun, milaka influencer foodiek partekatzen dituzte beren profiletan jatetxe eta tabernen erreseina eta iruzkinak. Fenomeno horren adibide dira Euskadiko instagramer foodieak, gure gastronomiaren enbaxadore paregabeak. Jarraitzeko moduko profil batzuk erakutsiko dizkizugu, ibilbide gastronomiko bat egin dezazun Euskadin zehar.
Profil hau, zalantzarik gabe, lagungarria izango zaizu Bilbon jateko tokiren baten bila bazabiltza. Instagrameko horman hiribilduko jatetxe berrienei buruzko gomendio ugari daude, eta plateren argazki onak eta prezioak ere jartzen ditu; batek baino gehiagok eskertuko du alderdi hori, Bilbon zer jatetxe ezagutu nahi duen erabakitzeko garaian. Zozketa gastronomiko ugari egiten dira kontu honetan.
Gastronautari jarraituz gero, oso erraza da adurra jariatzen hastea. Jarraitzaile ugari erakarri ditu, Gasteizko lokal foodienetara eta Euskadiko beste toki batzuetara egiten dituen bisitei esker. Instagrameko kontu honetan (duela lau urte baino gehiago ireki zen), jatetxe eta gastrotabernei buruzko erreseina landuak eta prezioei buruzko informazioa aurkituko dituzu.
Ezin duzu kontu hau huts egin Donostiara edo inguruko herrietara joatekotan bazara. Donosti Foodies kontuak horma txukuna du, gastronomia eta paisaia modurik onenean uztartzen dituena. Ilunabar ikusgarriak, txoko koloretsuak eta Gipuzkoako jatetxeei buruzko gomendioak. Zalantzarik gabe, kontuan izan beharrekoa Donostia eta inguruko herriak ezagutu nahi badituzu. Kontuko reeletan inspirazioa aurkituko duzu, Donostiako eta inguruko jatetxeak aukeratu ahal izateko.
Nick horrekin, ez dago askoz gehiago esan beharrik. Bilboko eta Bizkaiko txoko harrigarrienak, istorio maitagarriak, elkarrizketak eta gastronomia aurkituko dituzu profilean.
Blog bat ere badu, ekitaldien eta plan alternatiboen berri emateko. Alma Botxerak urteak daramatza proiektu honetan, eta, zalantzarik gabe, Bilboko enbaxadore entzutetsuenetako bat izatera iritsi da.
Gasteizko enbaxadore gastronomiko handi bat da Makurrina. Hiriko betiko denda eta tabernei buruzko gomendio foodieez gainera, nazioarteko sukaldaritzako platerak eskaintzen dituzten hiriburuko jatetxeak ere proposatzen ditu. Gainera, % 100 tokiko produktuekin egindako errezeta asko partekatzen ditu. Blog bat ere badu —Las cosas de Maku—, eta hura ere lagungarria izango zaizu Gasteizen non jan pentsatzen ari bazara edo etxean egiteko errezeta errazen bila bazabiltza.
Gastropapilys Andoaingo instagramer ezagun bat da, eta Donostian eta inguruko herrietan dastatzen duenaren berri ematen digu. Tokiko lokaletan dituen esperientzia gastronomikoen berri emateaz gainera, etxean egiteko errezeta errazak ere eskaintzen dizkigu. Gastropapilysen “nazioarteko egunak”, nola ez, janariari buruzkoak izaten dira. Ezbairik gabe, oso kontu interesgarria da Gipuzkoako jatetxe eta gastrotabernak ezagutzeko.
El mundo foodie profil bizi-bizia da. Gidak dira Instagrameko kontu honetako osagai interesgarrienetako bat; hala, txakolinari eta eguneko menuei buruzko postak, Bilboko patata-tortilla onenak jateko tokien aukera bat eta askoz gehiago eskaintzen dizkigute gida horiek. Horrez gainera, El mundo foodie kontuan Euskadiko produktu tipikoak dastatzen dituzte, eta Euskadiko ekoizleei buruz aritzen dira. Oso profil interesgarria da Bizkaiko gastronomia ezagutzeko.
Donostiako foodieak eta ongi pasatzearen zaleak direla diote Instagrameko biografian.
Profil honetan, Donostiako bermuteria, jatetxe eta pintxoei buruzko gomendioak aurkituko dituzu, eta etxean prestatzeko errezeta batzuk ere bai, betiere tokiko eta gertuko osagaiekin. Gainera, gastroblog bat ere badute, zeinean gastronomiaren tenpluetara egiten dituzten bisiten berri ematen baitute, hasi Michelin izardun jatetxeetatik eta tradizio handieneko tabernetara. Jarrai itzazu gourmet inspirazio bila bazabiltza.
Euskadi sukaldaritza da, baina paisaiak, tradizioa, artea… ere bai. Euskal gastronomiako
influencerren aukera horrez gainera, Euskadi ezagutzeko aplikazio mugikor onenetariko batzuk gomendatuko dizkizugu, txangoren bat egitekotan edo gure lurraldea hobeto ezagutzeko asmotan bazara ere.
Guuk-ekin, berdin dio Euskadin zauden edo ez; garrantzitsuena da Interneterako konexio onena izatea, nabigatu ahal izateko eta zure eduki gogokoenak ikusteko.
Euskadiko eta Nafarroako gizarte-eragileekin konektatzeko sortu zen Guuk, sinergiak sortzeko eta lurraldearen eraldaketa digitala bultzatzeko. Konpromiso sendo horretatik sortu zen Kirol App proiektua, tokiko kirol-kluben digitalizazioa bultzatzeko eta haien zaletasunekin komunikatzeko bide berriak aztertzeko garatu den mugikorretarako aplikazioa.
Las aplicaciones móviles se han convertido en grandes aliadas para planificar nuestras vacaciones. Tanto si estás planteando una escapada a Euskadi como si ya vives aquí, pero quieres aprovechar estos días para conocer tu entorno, no puedes perderte esta selección de aplicaciones móviles para conocer Euskadi.
Aplikazio mugikorrak aliatu handi bihurtu dira gure oporrak planifikatzeko. Bai Euskadira ihesaldi bat egitea planteatzen ari bazara, bai hemen bizi bazara ere, baina egun hauek zure ingurunea ezagutzeko aprobetxatu nahi badituzu, ezin duzu galdu Euskadi ezagutzeko aplikazio mugikorren aukeraketa hau.
Gaikako edo hobi-erako 5 sare sozial, ezagutzen ez zenituenak Ezagutu Zuckerberg-en Meta-ren ordezko sare sozialik onenak.
Azkenaldian, metabertsoaren entzutea izango duzu, hots, zientzia-fikziozko filmetan ikusi dugun eta itxuraz errealitate bihurtzen ari den mundu birtual horrena. Horregatik, orainaldi birtual horretara egokitzeko jakin behar duzun guztia kontatuko dizugu Guuk-en.n
Googlek itsaspeko kable bat sartu du Erresuma Batuko Cornuallesekin konektatzeko eta laster New Yorkekin konektatzeko. Izan ere, gure konexio-beharrak gero eta handiagoak dira, eta, horregatik, azpiegitura handiagoak behar dituzte. Baina ba al dakizu zertarako balio duen kable horrek?
