Galdakaoko jaiak: programa ofiziala, kontzertuak eta datak

Ez dago atseden hartzeko astirik. Aste Nagusiko emozioaren ondoren, eta Bilbotik kilometro gutxira, eskualdeko bigarren herririk handiena eszenatokira igotzeko prestatzen ari da. Bai, Galdakaoko jaiei, Santakurtzei buruz.

Zer prestatu du udalak 2024 honetarako? Txupinazoaren egunerako egun gutxi falta direnean, dena prest dago galdakoztarren nahiz bertakoak ez direnen gozagarri arituko diren artistei ongietorria emateko.

• Euskadiko jaiegun guztiak: 2024ko lan-egutegia

Ikusi eta entzun ahal izango duzunaren errepaso bat egingo dugu Guuk-en. Deitu kuadrillakoei, prestatu kafeina eta zatoz Galdakaora, Euskadiko jai garrantzitsu eta berezienetako batzuez gozatzeko.

Noiz dira Galdakaoko 2024ko jaiak?

Aurten ere, udako jaietako egutegiaren bukaeran ospatuko dira. Kurtze Santuaren Gorespenaren Egunarekin bat egingo du, iraileko lehen asteetan. Hauek dira egun ofizialak:

• Galdakaoko jaiak: 2024ko irailaren 13tik 22ra

Berriro ere, irailaren 14a izango da unerik onena, eta aste horretako igandean amaituko dira jaiak; festaz eta ospakizunez betetako aste eta erdi, beraz. Etorri nahi duzu? Begiratu udalaren webgunean zer garraiobide erabil dezakezun horretarako.

Galdakaoko 2024ko jaietako kontzertuak

Ba al zenekien galdakoztarrek berek aukeratzen dituztela Santakurtzetako artista gonbidatuak? 16 urtetik gorakoentzako bozketa publiko eta ireki bat egiten dute horretarako, maiatzean. Prozesu horretatik osatu da aurtengo kartela.

Hona hemen laburpen bat.

• Irailak 13, ostirala: Mago de Oz
• Irailak 14, larunbata: Bulego
• Irailak 20, ostirala: Tremenda Jauría
• Irailak 21, larunbata: Zea Mays

Lau taldeen kontzertuak Ardanza lehendakaria parkean izango dira, leku aparta kuadrillarekin joateko eta gauez musikarik onenaz gozatzeko.

Galdakaoko jaien 2024ko egitaraua

Kuadrillen txapelketa izango da aurten ere jaietako protagonista nagusia, eta, horretaz gain, udalak ahalegin handia egin du % 100 euskalduna den kontzertu-sorta antolatzeko. Zer ikusi eta egin daiteke 2024ko Santakurtzetan?

• Datua: 💡2023ko festetan, 157 jarduera egin ziren.

Ostirala Irailak 13, ostirala: pregoia eta txupinazoa

Irrikaz itxaroten den desfilearekin hasten dira festak; giro alaiak hauspoturik, emozioz beteriko egun baterako prest gaude denok.

Pregoiaren eta festak hasteko ohiko txupinazoaren ondoren, kontzertuz beterik datoz gauak, inor ez dadin gelditu dantza egin gabe.

Irailak 14, larunbata

Eguna hasteko, Bizkaiko Sokadantza Andra Marin, tradizioa eta kultura uztartzen dituen ikuskizuna. Gero, tortilla-lehiaketa dibertigarria; aho zabalik utziko gaituzte herriko sukaldarien mokadu goxoek.

Geroxeago, dantza-alardearen mugimendu-festa izango dugu, eta barre-algaraka amaituko dugu eguna, kulero- eta galtzontzilo-lasterketarekin.

Irailak 15, Igandea

Igandea naturara hurbiltzeko eguna dugu Gangurenerako igoeraren eguna baita. Konpainia onean paisaiaz gozatzeko une aproposa.

Handik itzultzean, profesionalen pilota-partidek goi-mailako kirol-ikuskizuna eskainiko dute, eta dantzazaleek, ostera, beren gaitasuna erakusteko aukera izango dute areto-dantzen lehiaketan.

Irailak 16, astelehena Haurrentzako eguna barraketan

Txikiei eskainitako eguna da; ikuskizun eta jarduera ugari izango dituzte, guztiak ere haurrek ondo pasatzeko pentsatuak. Mahai-jokoak nahiago dituztenek, berriz, mus-txapelketa dute; sutsua izango da lehia, dudarik gabe.

Gainera, igel-txapelketa eta koro-kontzertu bat ere izango dira eguna animatzeko. Eta, jakina, ezin ahaztu buruhandien bisita, heldu zein txikien gozagarri.

Irailak 17, asteartea

Adinekoek beren Olinpiada izango dute, eta erakutsiko dute indarrak eta gogoak ez dutela adinik. Arratsaldea goxatzeko, berriz, ez dago txokolate-jatea baino ezer hoberik, indarberritu beharra baitago gaueko kontzertuak hasi aurretik.

Irailak 18, asteazkena

Adinekoen festan, herri-bazkaria ere izango da, gure zaharren esperientzia eta jakinduria ospatzeko. Eta eguna ondo amaitzeko, kortxoa kentzeko lehiaketa. Abilezia erakutsi beharko dute lehiakideek!

Irailak 19, osteguna

Osteguna kirolzaleen eguna da. Auzokideen abilezia eta lehiakortasuna erakutsiko duten txapelketak izango dira. Paella-txapelketa eta ohe-lehiaketa ere jarduera jendetsuak izan ohi dira, bai eta hezur-jaurtiketa ere, eta, nola ez, eguna behar bezala borobiltzeko, beste musika-kontzertu batzuk.

Irailak 20, ostirala Mozorro-eguna

Egun hau ezin hobea da irudimenari hegan egiten uzteko mozorro-lehiaketari esker. Originaltasuna eta txispa sarituko dira. Iluntzean, kale-bazterrak argituko ditu zezensuzkoak, eta erromeriak, berriz, dantzan jarriko ditu denak.

Irailak 21, larunbata

Larunbateko lehenengo jarduera petanka-lehiaketa da; eta gero, lurrin gozoz beteko ditu bazterrak marmitako-lehiaketak. Nekazaritza-azoka herriko eta inguruko produkturik onenak deskubritzeko lekurik onena da.

Egunean zehar, Santa Kruz txirrindularitza-saria desafio polita da txirrindularirik ausartenentzat, eta larrain-dantzak, berriz, garai bateko pausoak erakutsiko dizkigu. Herri -bazkaria, jantzi tradizionalen lehiaketa, bertsolariak eta erromeria dira hurrengo ekitaldiak, festa girotzeko zein baino zein aproposagoak gaueko dantzaldiaren aurretik.

Irailak 22, Igandea

Jaien azken egunean, erraldoi eta buruhandien desfilea izango dugu, bai eta apar-festa ere, txikien gozagarri, eta, azkenik, denok hunkituko gaituzten doinuak joko ditu txistulari-alardeak.

Eta eguna ondo bukatzeko, kuadrillen sariak banatuko dira, non herritar guztien parte-hartzea eta ahalegina sarituko baita.

Galdakaoko Kuadrillen arteko Txapelketa

Santakurtzetako ekitaldirik ezagunena eta garrantzitsuena da, eta 2024koa ez da salbuespena izango. Kuadrillen arteko txapelketak herritar guztiak inplikatzen ditu; hainbat proba pasarazten dizkiete herriko jaietan, eta horietan puntuak banatzen dira.

Astearen amaieran, irabazle bat aukeratzen da, eta saridunak, 2025rako jaietako pregoilaria jartzeko ohorea izateaz gain, sari ekonomiko bat ere jasotzen du. Talde horietan, gutxienez lau parte-hartzailek 16 urtetik gorakoak izan behar dute, eta guztiek eraman behar dute beren kuadrillako kamiseta.

Sari-banaketa jaietako azken egunean egiten da, eta kuadrillen bazkaria, berriz, Santakurtzak amaitu eta hurrengo asteburuan.

Nola iritsi Galdakaoko 2024ko jaietara

Esan bezala, egun hauetan garraiobide publikoa erabil dezakezu Galdakaora joateko, nahiz eta beti har dezakezun autoa, noski. Aparkatzeko, Urreta, Iturrondo eta Lapurdiko aparkalekuak gomendatzen dizkizugu. Hori bai, jakin ezazu beteta egoten direla eta ez dela batere erraza herrian aparkatzea.

2023an, udalak informazio-panelak jarri zituen auzoetan aparkalekuen berri emateko. Zabalganen, Plazakoetxen eta autobidearen irteeran ikusi ahal izango dituzu. Aukerarik onena autobusez joatea da, hala ere.

• Bilbotik Galdakaora autoz: 20 minutu dira AP-8tik hegoalderantz. 107. irteeran atera beharko duzu herrira iristeko.

Bilbotik Galdakaora autobusez: metroa hartu beharko duzu, edo beste moduren batera joan Abandoko metro-geltokiraino. Zazpikaleetatik, E1 autobusa har dezakezu, Eibarrerantz, eta herrian utziko zaitu. Ordu-erdi inguru da.

Eta itzultzeko? Edateko asmoa baduzu eta gidatu nahi ez baduzu, edo garraio publikoan etorri bazara, doan itzul zaitezke etxera gauean. Gautxori ezagunak Usansolon, Gorosibain eta Galdakaoko Juan Bautista Uriarte kalean egiten ditu geldialdiak.

• Maiztasuna: 02:30ean eta 05:00etan gauero (Arantzazuko jaietan izan ezik). Autobusa Aratiatik, Galdakaotik eta Zornotzatik igarotzen da. [Kontsultatu hemen ordutegiak].

Galdakaoko jaiei buruz aipatu ez ditugun beste gauza asko ere badaude, eta merezi dute. Horregatik, lagunekin plana egin eta hara joatea gomendatzen dizu Guuk-ek.

Hornitu zure mugikorra behar duzun datu- eta ahots-tarifarekin, eta ez huts egin Bizkaiko eta Euskadiko kulturaren asterik berezienetako bat. Sartu gure webgunean, eta ekin festari!