Eusko Label 2023: traineru-estropaden egutegia

Uda iritsi da, eta euskal kostaldea traineruz bete da, azkarrena zein den erakusteko lehian. Eusko Label 2023 Liga bertan dugu, eta datak, taldeak eta bestelako xehetasunak gogorarazteko unea da. Berriro nagusituko ote da Urdaibai?

• Datua 📈: urtero milioi erdi pertsona ibiltzen dira Kantauri itsasoan joan-etorrian uztailean, abuztuan eta irailean, estropadak ikusteko. Iaz, lehiaketak 40 milioi euro baino gehiago utzi zituen.

Banderak eskuratzeko lehia inoiz baino estuagoa izango da aurten. Bizkaiko taldearen palmaresa gorabehera, Amenabar Donostiarra Ur Kirolak 100, Matrix Hondarribia eta beste talde batzuk inoiz baino indartsuago dabiltza traineru-txapelketari emozioa emateko.

Horregatik, Guuk-en dagoeneko antolatzen ari gara, hitzordu bakar bat ere huts ez egiteko. Eusko Labelek 20. urteurrena ospatuko du aurten, eta inoiz baino bereziagoa izango den itxura du. Ekin ACT Ligari!

Eusko Label 2023ren egutegia

Aurten, Traineru Kluben Elkarteak nobedade batzuk prestatu ditu, lehiaketari saltsa pixka bat eransteko. Martxoaren 25ean onartu zuten Bermeon Eusko Label Ligaren eta emakumeen Euskotren Ligaren egutegia. Gogoan hartu!

Hau izango da Euskotren Ligak Galizian lau jardunaldi jokatzen dituen lehen aldia. Bestalde, Caixabank Bandera lortzeko lehia Kantabrian izango da, eta gainerako hitzordu guztiak, berriz, Euskadin: 14.

EUSKO LABEL LIGA 2023REN EGUTEGIA (UZTAILA)
DATA	LEKUA	SARIA	LEHIAKETA
Uztailak 1-2	Coruña	VII Bandeira Cidade da Coruña	Eusko Label eta Euskotren Liga
Uztailak 8	Donostia	XV. Fabrika Bandera	Eusko Label eta Euskotren Liga
Uztailak 9	Zierbena	XL Petronor Bandera	Eusko Label eta Euskotren Liga
Uztailak 15	Bilbo	XIV. Bilboko Bandera	Eusko Label eta Euskotren Liga
Uztailak 16	Orio	Estropada - Orio Kanpina XI. Bandera	Eusko Label eta Euskotren Liga
Uztailak 22	Sestao	Sestaoko Udalaren XXII. Bandera	Eusko Label
Uztailak 23	Castro Urdiales	XI. CaixaBank Bandera	Eusko Label
Uztailak 29	Getxo	Getxoko Estropaden XLV. Ikurrina	Eusko Label eta Euskotren Liga
Uztailak 30	Santurtzi	Santurtziko XLIV. Ikurrina	Eusko Label eta Euskotren Liga

Abuztua iristearekin batera, Euskotren Ligako lehiaketaren bigarren erdia jokatuko da, eta 19ko asteburuan izango du gailurra, Zarautzen. Bestalde, bi liga horien palakadak Hondarribiko hondartzan entzungo dira hilabete hasieran.

EUSKO LABEL LIGA 2023REN EGUTEGIA (abuztua)
DATA	LEKUA	SARIA	LEHIAKETA
Abuztuak 5	Hondarribia	Hondarribiko Bandera	Eusko Label eta Euskotren Liga
Abuztuak 6	Lekeitio	XXXVIII El Correo Ikurrina - Kutxabank SN - Lekeitioko Udala	Eusko Label eta Euskotren Liga
Abuztuak 12	Moaña-Meira	IX Bandeira Illa do Samertolameu	Eusko Label eta Euskotren Liga
Abuztuak 13	Boiro	XXXIII Bandeira Concello de Boiro	Eusko Label eta Euskotren Liga
Abuztuak 19-20	Zarautz	XLVI. Zarauzko Ikurrina	Eusko Label eta Euskotren Liga (finala)
Abuztuak 26	Ondarroa	XXXIX. Ondarroako Bandera-Cikautxo SN	Eusko Label
Abuztuak 27	Getaria	XIV. Getariako Ikurrina	Eusko Label

Ez dago Eusko Label Liga 2023ren azken txanpari aurre egiteko era hoberik, lehiaketako talde onenari (edo, gutxienez, orain arte titulu gehien dituenari) etxean bisita egitea baino. Matrix Hondarribiak Bermeon hartuko ditu bere aurkariak irailaren erdialdera.

Lehenengo bi asteetan Kontxako bandera ospetsua izango da, munduko traineru-estropadarik zaharrena.

EUSKO LABEL LIGA 2023REN EGUTEGIA (iraila)
DATA	LEKUA	SARIA	LEHIAKETA
Irailak 16	Bermeo	Bermeo Hiriko XLI. Ikurrina-BTWC Bermeo Tuna World Capital SN	Eusko Label
Irailak 17	Portugalete	LIII GP – XLIX. El Corte Ingleseko Bandera	Eusko Label (finala)

Zaleek Portugaleten ikusi ahal izango dute nork bereganatzen duen El Corte Inglesen bandera, eta nork eramango duen etxera CaixaBank Koroa. Hala, Ibaizabalen ahoa berriro izango da aulki finkoko arraunaren agertoki gorena, hogeita hamahirugarren aldiz.

Bestalde, irailaren 16an Bermeon kanporaketen lehen jardunaldia jokatuko da, eta irailaren 17an, Portugaleten, bigarrena. Hor erabakiko da zein talde igoko den ARC Ligatik eta Galiziako Ligatik, eta zein jaitsiko den Eusko Label Ligatik.

Gogoan izan 2022ko kanporaketetan Moañako Samertolameu igo zela eta Galiziako Ares udalerriko taldea jaitsi zela.

Non ikusi Eusko Label 2023

Lana, unibertsitatea, familia, bestelako betebeharrak... zaila da estropadak jokatzen diren hiri guztietara joatea. Hori bai, etxetik hurbil jokatzen bada, ikustera joatea gomendatzen dizugu. Eta, bestela?

Telebista piztu edo Interneten sartu besterik ez duzu. EiTBk lehiaketa guztiak zuzenean emango ditu uztailean, abuztuan eta irailean. Streaming bidez ere ikus ditzakezu EiTBren webgunean.

Eusko Label 2023ko taldeak

Aurten ere 12 talde uretaratuko dira, Matrix Hondarribia eta Bermeo Urdaibai Avia bertan direla, ohi bezala. 2023ko lehiakideei, gainera, lehen aipatutako Samertolameu gehituko zaie, igo ondorengo debutean.

• Bermeo Urdaibai Avia
• Matrix Hondarribia
• Amenabar Donostiarra Ur Kirolak 100
• Orio Orialki
• Getaria
• Kaiku Berez Galanta
• Zierbena Bahías de Bizkaia
• CR Cabo da Cruz
• Ondarroa Cikautxo
• Lekittarra Elecnor
• Itsasoko Ama Santurtzi
• Samertolameu Fandicosta

Euskotren Liga 2023ko taldeak

Euskotren Liga 2023k berrikuntza garrantzitsu bat dakar: orain zortzi talde lehiatzen dira, batzuk Eusko Label Ligako mutilekin batera.

Talde faboritoa Oriokoa da berriz ere; iaz aho zabalik utzi gintuzten denak, 12 estropada irabazita (10 elkarren segidan) eta, jakina, txapelketa ere irabazita.

• Orio Arraunketa Elkartea
• Donostia Arraun Lagunak
• Donostiarra
• Tolosaldea Arraun Kluba
• CR Cabo da Cruz
• Hondarribia Bertako Igogailuak
• Hibaika Jamones Ancin
• SD Tirán Pereira

Eusko Label Ligako palmaresa

Ikusi besterik ez dago zer gertatu den beste urteetan Eusko Label Ligan, 2023ko jardunaldietan faboritoa nor den jakiteko. Urdaibairen eta Hondarribiaren usaina dagoela besterik ez dugu esango. Ustekaberik izango ote dugu?

EDIZIOA	irabazlea	bigarrena	hirugarrena
I (2003)	Astillero	Mecos	San Juan
II (2004)	Urdaibai	Astillero	Hondarribia
III (2005)	Astillero	Hondarribia	Castro
IV (2006)	Hondarribia	Castro	Orio
V (2007)	Urdaibai	Orio	Hondarribia
VI (2008)	Urdaibai	Castro	Orio
VII (2009)	Castro	San Pedro	Hondarribia
VIII (2010)	Urdaibai	Orio	San Juan
IX (2011)	Kaiku	Urdaibai	Hondarribia
X (2012)	Kaiku	San Juan	Urdaibai
XI (2013)	Kaiku	Urdaibai	Orio
XII (2014)	Hondarribia	Kaiku	Kaiku
XIII (2015)	Hondarribia	Urdaibai	Orio
XIV (2016)	Urdaibai	Hondarribia	Kaiku
XV (2017)	Urdaibai	Hondarribia	Orio
XVI (2018)	Urdaibai	Hondarribia	Zierbena
XVII (2019)	Orio	Hondarribia	Santurtzi
XVIII (2020)	Santurtzi	Hondarribia	Urdaibai
XIX (2021)	Santurtzi	Hondarribia	Orio
XX (2022)	Urdaibai	Hondarribia	Donostia

Nork irabaziko du Eusko Label Liga 2023? Sartu gure webgunean, eskuratu Guuk-eko zure tarifa, eta konektatu Internetera uztailean euskal kostaldea kirolez beteko duen lehiaketako egun bat bera ere ez huts egiteko.