Itxi
Ez gara iruzurretan ari. Gazteen Euskal Behatokiaren arabera, Euskadiko gazteen % 74,1 egunero sartzen da Instagramen. Eta guk esango genuke gehiago ere badirela. Gaur egun, sare sozial horretan konbentzitzeko gaitasun handia duten influencer ugari daude, eta hor dute beren publiko guztia.
Azken urteotan ikusiko zenuen moduan, askotariko pertsona famatuak agertu dira. Bideojokoetan espezializatuta daudenak, sukaldaritzaren zale amorratuak (foodieak) edo are teknologiaren frikiak. Baina moda-influencerak dira eragin handiena dutenak.
Hasieran publiko gutxi zuten zenbait ezezagun zeuden, eta orain Instagramen 200.000 jarraitzailetik gora dituzten izar bihurtu dira. Jakin nahi duzu nor diren? Guuken ezagunenak aukeratu ditugu.
Zertan oinarritzen gara esateko moda-influencer bat besteak baino hobea dela? Egiazki, jarraitzaileetan baino ez. Guuken badakigu badaudela kalitate handiko edukiak egiten dituzten sortzaile ezezagunak. Baina itua jotzen saiatu behar dugu.
X belaunaldikoa da, Z belaunaldikoa baino gehiago, eta handitan albaitaria edo hegazkineko zerbitzaria izan nahi zuen. Hala ere, bilbotar hau Euskadiko moda-influencer ezagunena izatera iritsi da (eta alde handiz). Estíbaliz Prieto duela hamarkada bat iritsi zen Instagramera, eta gaur egun ia 400.000 jarraitzaile ditu. Eguneroko laneko outfitak igotzen hasi zen eta orain gomendioak ematen ditu, azken modan dagoena erosten du bere balorazioa egiteko eta kolaborazioak egiten ditu. Moda gustuko baduzu, tartean esamesarik eta bizitza pribaturik gabe, hau da zuretzako influencera.
Igoera meteorikoa, kalitate handiz. Pilar de Arce donostiarra da eta 2015ean Instagramen kontua irekitzea erabaki zuen, moda dotoreago baten alde egiteko Gaur egun, milioi erdi jarraitzaile baino gehiago ditu bere profilak, sare sozialetan ohi baino adindunagoa den publiko bati zuzendutako lookez gozatzen dutenak. Influencer honek arkitektura eta historia ikasi zituen, bi seme-alabaren ama da, eta blog bat du (codigopilar), zeinetik estilismo- eta edertasun-aholkuak partekatzen baititu.
Duela hamarkada bat baino gehiago hasi zen amatasunaz eta modarekiko grinaz hitz egiten. Urteek aurrera egin ahala, komunitatean hazi zen pixkanaka eta gai gehiago jorratzen hasi zen. Gaur egun, Carmen Estéfano gauza askorengatik da ezaguna: Martina, Valentina eta Manuela alaben Trimadre de Princesas (Hiru printzesaren ama) izateagatik eta txakurren adopzioarekiko duen konpromisoarengatik. 2022an liburu bat idatzi zuen nebarekin, egunero egiten du ariketa fisikoa, eta outfitekin posatzea gustatzen zaio. Nahiko influencer osoa da, eduki atsegina eta naturala nahi baduzu.
Zornotzakoa da, 1982an jaio zen eta 2013. urtean moda-blog batekin ekin zion ibilbide publikoari. Ane Hernandok gustuko zuenaz ordenagailuaren pantailatik hitz egin besterik ez zuen egin nahi, baina egun batean bere aurpegia erakustea erabaki zuen argitaratzen zituen arropa-argazki ugarietako batean, eta booma izan zuen. Gaur egun, 300.000 jarraitzaile baino gehiago ditu Instagramen, baita janari osasungarriari buruzko bigarren kontu bat, YouTubeko kanal bat, farmazia-ikasketak eta osagarrien online denda bat ere (Horia Bags). Bilatu @lookandchic erabiltzailea, haren haul, outfit eta posatzeez gozatzeko.
Pandemian hasi zen arrakasta izaten eta, harrezkero, bikoiztu egin du Instagrameko jarraitzaile kopurua. Iera Gonzálezen (Iera Paperlight gisa da ezagunagoa) sekretua guztia nortasun handiz egitea da. Oso karisma eta bizi-filosofia bereziak ditu, 200.000 pertsona baino gehiago erakartzen dituztenak. Hondarribian bizi da, ekitaldi eta ezkontzak antolatzen dituzten bi enpresa ditu Pau senarrarekin, eta familiaren une dezente partekatzen ditu, seme-alabekin batera. Gainerakoan, bidaiak, janari-errezetak, eta bai, eguneroko bizitzarako moda-trikimailu ugari aurkituko dituzu.
2016. urtean, alabaren jaiotzarekin, bere profila pixka bat aldatu zen, eta amatasunari buruzko edukiak argitaratzen hasi zen. Hala ere, Izortze Setienek azken urteotako Euskadiko moda-influencer garrantzitsuenetako bat izaten jarraitzen du. Orain, telekomunikazio-ingeniari honek online denda bat du (Clochet!), 2011n sortu zuen blogetik datorrena, beste alaba bat, eta kolaborazio ugari ere bai. Bere profila txoko ona da outfit sinple baina dotoreak aurkitzeko, argazkien akabera erabat profesionalarekin.
Instagram normatibitatearen erresuma da (gorputz perfektuak, ukituak egin zaizkien aurpegiak, larruazal distiratsuak), baina horrek ez du esan nahi gorputz desberdinentzako lekurik ez dagoenik, bereziki modaren munduan. Ana Goitia da Euskadiko moda-influencer adierazgarriena neurri handietan. Agian ETBn agertzeagatik ezagutuko duzu, baina egiazki nabarmentzen den tokia sare sozialak dira. 2008an, “El rincón de Anatxu” bloga sortu zuen, eta urteak pasa ahala, garrantzia hartu zuen Euskadin. Gaur egun, lekeitiarrak denda bat du (Annuik), eta kazetaritza-ikasketak irudi aholkularitzarekin eta personal shopper izatearekin osatzen ditu.
Azken hamarkadako Espainiako kirolari garrantzitsuenetako bat da eta, orain, eremu horretan proiekzio gehien duen Euskadiko moda-influenceretako bat ere bai. Eli Pinedok 2016. urtean utzi zuen eskubaloia, Espainiako selekzioarekin 201 partida jokatu ondoren, eta Europako txapelketan zilarrezko bi domina eta Joko Olinpikoetan brontzezko domina bat irabazi ondoren. Arropa jasangarriaren enpresa bat sortu zuen (desagertua jada), eta telebistako programetan parte hartzen eta Instagramen bere alderdi fashionena agertzen aritu zen.
Zuriak, marroiak, pastel-tonuak... Iran Rodríguezen profila gustu onaren eta dotoreziaren batura da. Santutxuko bilbotar honek arropa-saltzaile gisa lan egin zuen ia hamarkada batez eta, kaleratu ondoren, ekintzaile bihurtu zen. Gaur egun bere denda propioa dena (Le Coccó) sortu zuen, eta Instagramen argitaratzen hasi zen bere modarekiko grina erakusten zuten edukiak. Urte batzuk geroago, 100.000 jarraitzaile baino gehiago ditu, outfitei, edertasunari eta autozainketari buruz argitarazten dituen postak ikusten dituztenak.
Stiletto edo orratz-takoien erregina da. Ainhize Ruizek urte asko daramatza pedagogo gisa lanean Bilbon, baina bere denbora librean influencer gisa nabarmentzen da Instagramen. Erabiltzen dituen takoi altuengatik eta bere outfit sinple eta dotoreengatik da ezaguna. Bere profilean kolaborazio asko aurkituko dituzu, baita argazki-saioak leku harrigarrietan eta edozein unetan jartzeko moduko jantziak ere.
Badaude beste moda-influencer ezagun asko ere, baina aipatutakoak dira ezagunenak eta Instagramen gaur egun jende gehien mugiarazten dutenak. Ezagutzen duzu zerrendan ez dagoen inor? Konta iezaguzu sare sozialen bidez.
Eta azken joeren berri izan nahi baduzu, Guuken mugikorrerako tarifa onenak ditugu zuretzat. Egin begiratu bat, eman follow batzuk eta eguneratu zure armairua.
Algunas jóvenes vascas mueven masas en Instagram con su contenido sobre ropa, maquillaje y otras tendencias virales de redes sociales.
Nafarroako Unibertsitate Publikoko (NUP) irakasleak, Asier Marzok, ikertzen ari den Inte Vol proiektua aurkeztu nahi dizuegu, Nafarroan ikertzen ari diren 3D grafikoen manipulazioari buruzkoa.n
Instagramers foodies en Euskadi, verdaderos embajadores de nuestra gastronomía. Te enseñamos algunos perfiles que puedes seguir para hacerte una ruta gastronómica por Euskadi.
Instagramers foodies Euskadin, gure gastronomiaren benetako enbaxadoreak. Euskadin zehar ibilbide gastronomiko bat egiteko jarrai ditzakezun profil batzuk erakutsiko dizkizugu.
Enpresa baten digitalizazioa tresna teknologikoak ezartzean eta negozioaren esparruak ingurune digitalera birbideratzean datza. Nola ekin diezaiokegu?
Aplika iezaiozu eraldaketa digitala zure negozioari modu eraginkorrean. Enpresa ertain eta txikiak digitalizatzeko zenbait aholku
