Itxi
Gabonek eta negu-garaiak gauza asko izaten dituzte: Olentzeroren opariak, beti zoriontsu amaitzen diren filmak, jaiotza erraldoiak, familia-giro aparta eta, nola ez, izotz-pistak.
Euskadin dauzkagu onenetako batzuk. Beraz, apuntatu non dauden, bat bera ere ez galtzeko aurtengo Gabonetan.
Hona hemen Euskadiko hiri nagusietako izotz-pistak, adiskideekin egun-pasa joan zaitezen gustukoen duzunera.
Euskadi argi eta tradizioen ikuskizun aparta bihurtzen da Gabonetan. Historiaz, kulturaz eta harrotasunez beteriko lurralde honetako herri eta hiriak estatuko apaingarririk liluragarrienekin janzten dira, eta gertuko eta urrutiko bisitariak erakartzen dituzte.
Gabonetako magia areagotu egiten da Bilbon, atrakzio enblematikoak irekitzen baitira. 2024ko azaroaren 22tik aurrera, izotz sintetikozko patinaje-pista, sei erreiko txirrista eta “Gabonetako ametsen faktoria” haurrentzako karpa prest egongo dira familiei eta bisitariei harrera egiteko.
Gabonetako Azoka abenduaren 5ean inauguratu zen, eta aurreko urtean baino bost etxola gehiago izango ditu.
Areatzako kaian dago, eta pistarik handienetako bat da: 800 metro karratuko azalera du. Hedaduraren % 60 estalita egongo da, eta, hala, are gehiago nabarmenduko da hiriko hainbat tokitatik begiratuta. 2025eko urtarrilaren 6ra arte egongo da martxan.
Sei erreiko txirrista dibertigarria da adin guztietarako, eta patinaje-pistaren ordutegi berean dago martxan. Azaroaren 22tik urtarrilaren 6ra bitartean, handi zein txikiek jaitsiera zirraragarriak egingo dituzte, jai-giroan eta segurtasunez.
Aurten ere, Gasteizko Florida parkeko izotz pista Gabonetako erakarguneetako bat izango da.
Instalazio enblematiko hau 200 urte baino gehiagoko historia duen kiosko historikoaren ondoan dago, eta bizipen magikoak eskaintzen ditu. 300 metro baino gehiagoko luzera duen txirrista du ondoan, zeinetan lera-jaitsiera zirraragarriez gozatzeko aukera baitago.
Pistak 700 metro karratuko azalera du, eta 75 metro karratuko eremu bereizi bat ere badu, haurrentzako eta hasiberrientzako. Abenduaren 13an patinaje-erakustaldi bat egin zen, eta horrexek markatu zuen Gabonetako denboraldiaren hasiera ofiziala.
Aurten, bi ilara jarriko dira: bata, sarrerak online erosi dituztenentzat; eta bestea, pistako leihatilan eskuratu nahi dituztenentzat.
Ingurumenarekin duen konpromisoarekin bat eginez, izotz-pista hiriko sare elektriko orokorretik elikatuko da; ez du sorgailurik erabiliko, ez eta zaratarik aterako.
Gainera, txirristak material irristagarriz eginak daude, dibertsioa bermatzeko eta mantentze-lanen kostua murrizteko. Iazko esperientziak erakutsi zuen material hau ezin hobea dela jarduera honetarako.
Irun Gabonetako entretenimendu-gune bihurtzen da, izotz sintetikozko pistak jartzen baitituzte hiriko hainbat tokitan. Aurten ere, bi pista nagusi izango dira.
Handiena Luis Mariano lorategietan egongo da, abenduaren 13tik urtarrilaren 6ra. 800 m²-ko azalera du, eta zirkuitu-formatuko Estatuko izotz-pistarik handiena da.
Bigarren pista Sargia parkean egongo da: 160 m² patinatzeko, eta esparru osoa zeharkatzen duen tirolina bat. Gune horretan, Gabonetako herrixka bat, argi-elementuak, haurrentzako jarduerak egiteko karpa bat eta ludoteka-zerbitzua egongo dira.
Aurten lehenengoz, Anzaran plazan txirrista erraldoi bat eta bi curling-pista izango dira; lau pertsona arteko taldeek parte hartu ahal izango dute adin guztietarako egokia den jarduera dibertigarri honetan.
Atrakzioak askotarikoak direnez, onena da prestatuta joatea. Beraz, hementxe duzu atrakzio guztien prezioak biltzen dituen informazioa.
Ingurune estali bateko dibertsioa, zirkuitu handiago batek eskaintzen duen emozioa, txikienentzat egokitutako esperientzia... Izotz-pista horiek primerakoak dira aurtengo Gabonetan dibertsioa eta entretenimendua bermatzeko.
Izotz-pista dagoeneko klasiko bihurtu da Zallako Gabonetako ospakizunetan. Azken urteotako arrakastaren ondoren, Udalak aurten ere izotz-pista jarriko du Gabonetan, dibertimendu paregabea eskaintzeko.
Abenduaren 13tik 29ra, Zallako udaletxeko lorategiak neguko dibertimendu-gune bihurtuko dira, familia osoarentzat egokia den patinaje-pista batekin. Ordutegi hau izango du egunero: 11:00etatik 14:00etara eta 17:00etatik 21:00etara.
Bi salbuespen izango dira: abenduaren 24an, pista 17:00etan itxiko dute; abenduaren 25ean, berriz, egun osoz egongo da itxita. Pistara sartzeko, gonbidapenak eskuratu ahal izango dira Zallako saltokietan; bestela, sarrerak eros daitezke leihatilan, 3 euroan.
Durangoko Udalak prest du Landako Guneko ohiko izotz-pista, eta 2024ko abenduaren 21etik 2025eko urtarrilaren 6ra arte egongo da irekita.
900 metro karratuko azalera du, eta Gabonetako erakarmen handienetako bat da herritarrentzat eta bisitarientzat; ingurune seguru eta eroso batean gozatzeko pentsatua dago.
Pista bi txandatan irekiko da egunero:
Abenduaren 25ean, urtarrilaren 1ean eta urtarrilaren 6an, goizez itxita egongo da.
Eskularruak derrigorrez erabili beharko dira, segurtasuna bermatzeko. Ez badituzu, 2 euroren truke eskuratu ahal izango dituzu han bertan.
Esperientzia ahalik eta onena izan dadin, sartzeko txandak antolatuko dira, patinatzaileen errotazioa egokia izateko.
Iaz, 8.000 lagunek baino gehiagok erabili zuten izotz-pista, eta Durangoko Gabonetan gehien estimatzen diren jardueretako bat izatera iritsi zen. Familiek eta lagunek izotz gainean une paregabeak bizitzeko topagunea izango den itxura du aurten ere.
Beraz, tradizio honekin bat egin eta festa ezberdinak bizi nahi badituzu, ez izan zalantzarik eta zatoz Landako Gunera. Ederki pasatuko duzu!
Aurten ez dute jarriko izotz gainean ibiltzeko Errebaleko ohiko pista, baina ez kezkatu! Neguaz gozatzeko, beste atrakzio bat ekarri dute: izotz-txirrista jarriko dute Untzaga plazan, barraka klasikoen ondoan.
Gainera, Txaltxa Zelaian eta Urkizun ere jarriko dituzte atrakzioak, entretenimendua eskaintzeko familiei abenduaren 20tik urtarrilaren 6ra.
Aukeratu etxetik hurbilen daukazuna, eta, hala, sekulako eguna igaroko duzu Gabonetan egin dezakezun planik onenetako batekin. Hori bai, Guuk-en tarifarik onenak dituzu, eskura dituzun jarduera guztien berri izateko.
Euskal gastronomiak plater ugari ditu, eta horrek zoriontasunez betetzen gaitu, batez ere gabonak eta halako egoera bereziak iristean.
Izenburuazpia: Getariako museoan ezagutu ditzakezu goi-mailako joskintzako maisuaren bizitza eta obra, hantxe baitaude Balenciagaren pieza bikainak eta zirriborro bakarrak.
Euskadin esan dezakegu mota guztietako planak ditugula: hondartzak, parekorik ez duten museoak eta enoturismo-bisitak; bihotzera helduko zaizkizu.
Txotx on batez gozatzeko sagardotegi hoberenak zein diren badakizu, gehiago gozatuko duzu.
Aurtengo jaietan ere, itsas prozesioak, artista ospetsuen kontzertuek (India Martinezenak, esate baterako) eta sardina-janak girotuko dituzte arrantza-herri honetako kaleak.
Bizkaitik, Gipuzkoatik eta Arabatik kanpo ere badira herri politak, hala nola Bidarte, Iparraldean.
