Itxi
Utzi errutina alde batera eta hartu tarte lasai bat Plentziako historia ezagutzeko, alde zaharrak eta itsasoak bat egiten duten toki honetan. Hemen, mendiz inguratuta eta giro lasaian, erlaxatzeko toki bikaina aurkituko duzu. Gainera, indarrak hartzeko eta ongi pasatzeko jarduera eta plan ugari egiteko aukera daude.
Ibili itsas pasealekuan, arnastu itsasoko haize freskoa, bainatu hondartzan edo egin surfa, paddle surfa edo bestelako ur-kirolen bat. Ezagutu Plentziako itsasadarra. Benetako paradisu naturala da, eta aukera izango duzu hegazti-mota ugari ikusteko eta naturaren berezko edertasunaz gozatzeko.
Plentzia Bizkaiko kostaldeko arrantzale-herri bat da eta historia, natura eta gastronomia ona bateratzen ditu. Erdi Aroko alde zaharrak herriaren arrantza-iragana islatzen du, eta itsasadarra eta hondartza egokiak dira erlaxatzeko eta ur-kirolak egiteko.
Gainera, bertako gastronomian itsasoko produktu freskoak eta pintxo tradizionalak nabarmentzen dira. Tokiko kulturak ere indar handia du, eta horren erakusgarri dira Butroeko Plasentia Museoa eta herriko jaiak. Plentzia toki ezin hobea da erlaxatzeko eta naturaz, abenturaz eta Euskadiko benetako zaporeez gozatzeko.
Plentzia 1299an sortu zuen Diego Lopez Harokoak, eta historia aberatsa du, itsasoari lotua. Hasiera batean, arrantza, balearen arrantza eta ontzigintza ziren hiribilduko jarduera nagusiak. Zenbait sute jasan zituen XV. eta XVII. mendeetan, baina erretakoak berriro eraiki eta aurrera egiten jarraitu zuen, batez ere portuari eta marinel-kofradiari esker.
XIX. mendearen amaieran, itsas jarduerak gainbehera egin zuenean, helmuga turistiko bilakatu zen; izan ere, izen handiko hondartza zuen eta Bilbotik gertu zegoen. Gaur egun, oporretako helmuga izaten jarraitzen du. Herriko jaietan, Antolintxu da protagonista
Plentziako alde zaharrean bazabiltza, gure herriaren historian murgildu zarela irudituko zaizu. Aldatu egin da denboraren joan-etorrian, baina txoko honek betiko itsas herrien xarma gorde du.
Kale estuetan zehar zabiltzala, antzinako itsasgizonen etxeak eta historiaz betetako eraikinak ikusiko dituzu: txoko guztiek dute zer kontatu.
Santiago arkua elementu garrantzitsua da Plentziako alde zaharrean, garrantzi arkitektonikoa eta historikoa baitu. Multzo guztiarekin batera, hiribilduaren iraganaren eta izan duen bilakaeraren berri ematen digu.
XV.-XVI. mendeen artean eraikitako eliza gotikoa da, garai hartako arkitekturaren adibide soil eta ikusgarria. Oinplano errektangularra eta gangarik gabeko hiru nabe ditu, zutabe sendoz bereiziak. Plentziako alde zaharreko ondare arkitektoniko zoragarriaren elementuetako bat da eliza hau.
Jatorrizkoa eraitsi eta etxebizitza-eraikina izatera igaro den arren, Torrebarri dorretxeak baditu oraindik bere iragana gogora ekartzen diguten elementu estilistiko batzuk. Hiribilduko historiaren lekukoa da.
Gaztelaniaz Torreón izenarekin ezaguna da, dorretxe bat dirudielako, eta, gaur egun, Butroeko Plasentia Museoaren egoitza da. Plentziako itsas historia aberatsaren berri ematen du museoak, eta tokiko ondareko elementuak berreskuratzen eta erakusten ahalegintzen da.
Herrigunean txertatuta dago landa-izaerako eraikin berezi hau, Andre Maria Magdalenako parrokia-elizaren atzean. Izaera berezia ematen dio inguruneari.
Kristo Santuaren Baseliza/Santutxoa
Ikuspuntu estetikotik begiratuta, erakinak ez du interes handiko apaingarririk, kanpai-horma txiki bat izan ezik. Sinplea izan arren, Plentziako historia aberasten duen ondare-multzoan sartzen da.
Aipatu ditugun Plentziako alde zahar ederreko elementuez gainera, arrantzale-herri honetan badaude beste gauza deigarri batzuk ere; ez huts egin, ikusteko modukoak dira eta.
1991 eta 1992 bitartean eraiki zen antzinako zubia ordezkatzeko, haren oinarriak 1983ko abuztuko uholdeetan kaltetu baitziren. Hiribildua bere ingurunearekin lortzen du elementu berezi honek.
1888an sortutako farmazia honetan produktu farmazeutikoak saltzen dira, baina museoa ere bada. Aukera duzu jatorrizko farmaziaren, laborategiaren eta botika-ostearen espazioetan dagoen erakusketa bisitatzeko. Iraganerako bidaia Plentziako erdigunean bertan!
Aisialdirako gune egokia da naturaren zaleentzat. Itsasadarrerako sarbidea du, eta aproposa da kayakean ibiltzeko eta SUPerako. Toki ezin hobea da aire zabalaz eta inguruko lasaitasunaz gozatzeko.
Plentziako haizemailea dela esaten da, eta udalerriko ezkutuko txokoetako bat da. Merezi du tokia ezagutzea, bakeaz eta bertako paisaiaz gozatzeko aukera emango baitizu.
Plentzian egiteko planak eta jarduerak
Bisitari ugari etortzen da urtero Plentziara, itsasadarraren edertasunak, hondartza zoragarriak, bizitzaz betetako portuak eta alde zahar liluragarriak erakarrita. Hemen, itsas bizitza bizirik dago eta txoko guztiek dute beren historia.
1299an sortu zen Plentzia, eta oraindik ere bizirik dira bertako historiak. Alde zaharrean (Erdi Arokoan du jatorria) ondo baino hobeto uztartzen dira arrantzaleen herri-arkitektura eta jauntxoen eraikinak, baita itsasadarra ere. Itsasadarrak, egunik eguzkitsuenetan, postal ikusgarriak eskaintzen dizkigu.
Baina guzti-guztion arreta erakartzen duen sinbolo bat aipatzekotan, hor dugu Plentziako pasabidea. Arku-zubi horrek Bilboko metroa eta herrigunea lotzen ditu, eta hiribilduko arrantzale-ondarea ezagutzeko aukera ematen die bisitariei.
Gustu guztietarako jarduera ugari egin daitezke Plentzian. Itsaspeko ardoa dasta daiteke, ibilbideak egin daitezke naturan, itsasontzian pasea daiteke eta museoak bisita daitezke. Hautatu gustukoen duzuna eta gozatu topera!
Plentzia, Bizkaiko kostaldeko altxorretako bat, toki ezin hobea da errutinatik alde egin eta hondartza-egun eder batez gozatzeko. Giro lasaia, itsas paisaiak eta gastronomia goxoa: guzti-guztia dauka itsas herri honek.
Bilbotik 26 km-ra dagoenez, erraz iritsiko zara. Izan ere, autoz, metroz edo autobusez joan zaitezke. Zeuk aukeratu. Plentziara erraz-erraz nola iritsi azalduko dizut.
Autoz joatea erabakitzen baduzu, Bilbotik di-da batean helduko zara Plentziara BI-634 errepidetik (bidesari eta guzti) edo BI-2704tik (bidesari gabe). Donostiatik bazatoz ere, erraza da; ordubete pasatxoan, hondartzan izango zara, lasai-lasai. Santandertik bazatoz ere, A-8 autobideak zailtasunik gabe ekarriko zaitu.
Metroaren 1. linea da aukera erosoenetariko bat. Plentzian geratzen da 20 minutuan behin; beraz, ez duzu asko itxaron beharko. Aukera ezin hobea da Bilbotik, Etxebarritik edo tarteko edozein puntutatik bazatoz. Trafikoak eragindako estresa aurreztuko duzu eta, gainera, paisaiaz gozatuko duzu.
Autobusa nahiago baduzu, zenbait linea pasatzen dira Plentziatik. Leioatik, Getxotik, Berangotik eta Sopelatik, Bizkaibusen 3451 linea duzu, orduro. Gorliztik, Bizkaibusen 3499 linea 40 minutuan behin igarotzen da. Eta Armintzatik bazatoz, Bizkaibusen 3451 linea duzu orduro. Mungiatik, Bizkaibusen 3537 linea har dezakezu, orduro.
Plentziak historia, alde zahar eta ingurune natural bikainak ditu eta, gainera, toki aproposa da askotariko jarduerak egiteko. Itsasontziz ibil zaitezke itsasadarrean, kayakean ibil zaitezke... txoko guztiek dute berezitasunen bat.
Zure bisita are erosoagoa izan dadin, Guuk-en tarifak erabil ditzakezu. Hala, konexio bizkorra eta fidagarria izango duzu, ez dezazun huts egin herri atsegin honek eskaintzen dizunetik ezer. Guuk-ekin, denbora errealean partekatu ahal izango dituzu zure esperientziak eta topera gozatuko dituzu une guztiak. Ez huts egin! 💚
Meltxor, Gaspar eta Baltasar goizeko 11etan iritsiko dira tren-geltokira, eta handik ekingo diote gozokiak eta ilusioak banatzeko hirian egingo duten desfileari.
Plan ezin hobea da Gabonetarako Donostiako kaleetan paseatzea edo Gasteizko jaiotza monumentala ikustea.
Iritsi da gabonetako unerik politenetako bat: apaingarriak erosteko eta gastronomiarik onenaz gozatzeko garaia.
Natura bete-betean murgildu ahal izango zara, ardiak jezten eta mamiak eta taloak egiten dituzun bitartean, eta benetako euskal landa-bizitzaz gozatu.
Pozalaguako kobak du estalaktita eszentrikoen munduko bigarren multzo handiena, eta ezin duzu huts egin haien lore-forma liluragarria.
Antoñana toki paregabea da Arabako Mendialdea bisitatu eta hango historiaz, toki bereziez eta udaberriko azokaz gozatzeko.
