Itxi
Prestatu zaitez abuztuaren 15etik 25era Laudioko jaietako giro harrigarrian murgiltzeko, urtetik urtera herritarrak eta bisitariak liluratzen ditu eta! Laudio Aiaraldearen (Araba) bihotzean kokatuta dago herria, eta ospakizun- eta tradizio-agertoki zalapartatsu bihurtzen da urtero.
Laudioko jaiak ekitaldi bat baino askoz gehiago dira: jendeak bere sustrai kulturalekiko duen pasioa adierazten dute. Musikaz, dantzaz eta desfile koloretsuez beteriko egunetan, Arabako herria komunitatearen alaitasunaren epizentro bihurtzen da.
San Rokeren prozesio enblematikoa, kale nagusiak animatzen dituzten aire zabaleko kontzertuak… hiriko txoko bakoitzak jai-giro kutsakorra aireratzen du. Su artifizialek gaueko zerua argitzen dute, eta erromeria herrikoiek, berriz, tokiko gastronomiaz eta bertako jendearen berotasunaz gozatzera gonbidatzen dituzte guztiak.
Murgildu zaitez gurekin esperientzia paregabe honetan, non tradizioa Laudioko jaietako alaitasunarekin nahasten den. Ezin duzu huts egin!
10 egunez, Laudio kolorez, festaz, dantzaz eta jende ugariz betetzen da. Ezin duzu huts egin! Jarduera nagusien informazioarekin gose geratu bazara, hona hemen eguneroko jarduerak:
Txupinazoaren eguna da; horren zain gaude denok duela hilabete askotatik. Egun honetan, 12ak aldera, txupinerek agurra egingo dute eta lehen suziria botako dute. Une horretan, lagunarte, kuadrilla eta bisitari guztiak emozioz beteta egoten dira.
Horrez gain, DJa, diskofesta, aire zabaleko pintura-lehiaketa, erromeria eta beste hainbat jarduera izango dira. Jakina, ezin ahaztu zezensuzkoa, Laudioko jaietako ekitaldi deigarrienetako bat, hasiera ezin hobea San Rokeren lehen gaurako.
San Roke eguna hasteko, Lamuzako Done Petri parrokian zaindariaren omenezko meza solemne bat ospatzen da. Ondoren, bigantxen entzierroak iristen dira Laudioko kaleetara. Geroago, Laudioko kuadrilla historikoen bazkari herrikoia egiten da parrokiako elizpean.
Arratsaldean, kalejirak, antzerkiak, dantza-lehiaketak eta musika-emanaldi ugari izaten dira txosnagunean. Hala, laudioarrek eta bisitariek dibertimenduz, kolorez eta musikaz beteriko giro paregabeaz gozatzen dugu.
Kalejirak hiria girotzen du goiz-goizetik, baina goiztiarra izan nahi ez baduzu, apur bat itxaron eta zuzenean joan zaitezke Aldai plazako Paella Lehiaketara, eta gero adinekoen omenezko bazkariaz gozatu.
Arratsaldean, bingo musikala, festa tematikoa, kontzertuak txosnetan eta zentroan eta antzeko jarduerak egingo dira denentzat.
Euskadin asko gustatzen zaizkigu gastronomia-lehiaketak; horregatik, egun hori oso garrantzitsua da, Aldai plazan Tortilla eta Untxi Gisatuaren Lehiaketa Gastronomikoa ospatuko baita. Adi: orduak behar dira hori prestatzeko; beraz, bizikleta-proba, dantzak edo haurrentzako animazioa ikustea gomendatzen dizugu, denbora egiteko.
Goizean zehar xake-partidak, esku-pilota txapelketa, haurrentzako animazioak, hockey-txapelketa eta herri-kirolak ospatzen dira, 14:30 inguruan egiten den bazkari herrikoiari bide emateko.
Arratsaldean kirol-jarduerak egiten dira kiroldegian, baina hori ez da dena: magia-ikuskizuna eta bingo musikala egiten dira, bai eta kontzertu ugari ere txosnagunean eta zentroan.
Txikien eta helduen kuadrilla guztiek irrikaz itxaroten duten eguna. Egun osoan zehar hainbat jarduera egiten dira, hala nola “Zelai errea”, “Laudio’s Got Talent” edo muturreko herri-kirolak.
Guztien bat egitea ospatzeko, nola ez, kuadrillen herri-bazkaria ere egiten da Aldai plazan. Gero, arratsalde-gau partean, kale-antzerkia, musika-emanaldiak eta festa-giro ederra izaten dira.
Egun horri hasiera emateko, herriko produktuen eta eskulanen erakusketa egiten da Aldai plazan. Egun osoa irauten duenez, nahi baduzu entzierroa, Bolatokiko Sari Nagusia edo dantza-erakustaldia ere ikus ditzakezu.
Arratsaldean zehar hainbat jardueraz gozatu dezakezu: abarka-jaurtiketa, erraldoi eta buruhandien ibilaldia, futbol-txapelketa, Bolatokiko Sari Nagusia, artzain-txakurren erakustaldia eta abar.
Egunari hasiera emateko, Laudioko Gaiteroak taldearen Diana eta Primiziako entzierroa, ur-zezenekin, eta, ondoren, haur-animazioa zezen-plazan. Txosnagunean Familia Gunea ospatzen da, eta Alberto Acero plazan, berriz, Kalejira Kubatarra.
Gainera, Lamuza parkeko bolatokian, Pasabolo-txapelketak egiten dira. Ellakuriko futbol-zelaian San Roke Txapelketa jokatuko da Athletic eta Bizkerre taldeen arteko partidarekin. Erraldoi eta buruhandiek kaleak zeharkatuko dituzte, eta Lamuza parkean haurrentzako emanaldiak izango dira. Gauean, Herriko plazan, odolkiak dastatu daitezke, herriko espezialitateetako bat, eta kontzertuez gozatu.
Jaien azken eguna hasteko, San Rokeren irudia bere ermitara itzultzeko prozesioa egiten da, meza solemne batekin eta abesbatzaren emanaldiarekin. Horren ostean, goizean giro aparta sortzen da bigantxen entzierroarekin, haurrentzako animazioarekin eta udal-taldearen kontzertuekin.
Arratsaldean zehar, jaiei amaia ematen hasteko, erraldoiek eta buruhandiek azken ibilbidea egiten dute eta musika-emanaldiak izaten dira plazan, sanrokeak ezin hobeto bukatzeko.
Jaietan tirarik handiena dutenak kontzertuak eta herriko giro ona dira. Horregatik, hona hemen Laudioko 2024ko jaietako kontzertu nagusiak:
Laudioko 2024ko jaietan parte hartuko duten beste talde batzuk:
Kontzertu horiek bi alderdi nabarmen dituzte: musikaren aniztasuna eta Arabako herri horretako jaietan gustu guztietarako entretenimendua eskaintzeko konpromisoa.
Bizi ezazu festa honen izpiritu aparta Iruñeko alde zaharrean: prozesioak, dantzak eta baita Gabonetako argiak pizteko ekitaldia ere.
Ekitaldi honek antzinako tradizioak elkartu eta bizia ematen die Zalduondon, desfileen, epaiketa sinbolikoen eta ikuskizun kulturalen bidez.
Baserritarren azoken, prozesioen eta bestelako ekimenen bidez, tradizio honek komunitateak elkartzen ditu eta euskaldunok naturarekin eta herri-kulturarekin dugun lotura ekartzen digu gogora.
Gipuzkoan badakigu ondo pasatzen: horretarako ditugu Donostiako Danborrada, sanblasak eta santomasak, adibidez.
2024ko sanmateoetan, zain izango dituzu "Mahats-zapaltzea", La La Love You eta gastronomia onaz eta piroteknia-ikuskizunez betetako aste bat.
Eleberri arrakastatsuaren filmean Gasteizko hainbat txoko agertzen dira, hala nola San Adriango tunela - Sandaili leizea, Gorbeia mendia eta beste batzuk.
