Eskolara itzultzeko doako aplikazio onenak

Eskolara itzultzea: txikiek beldur diote eta gurasoek primeran hartzen dute. Egia esan, ikastola dibertigarria da hainbeste lagun eta ikaskiderekin, baina motxilak adreiluz beteta bezala eramatea ez horrenbeste. Guri laguntzeko, dena errazago egiten duten teknologiak eta aplikazioak daude.

• Mugikorretarako euskarazko aplikazio onenak haurrentzat

Baina aizu, dena ezin da txarra izan. Egun, mugikorrerako aplikazio batzuk zoragarriak dira eskolako egunerokotasuna eramangarriago egiteko.

Klaseak antolatzeko, apunteak garbira pasatzeko zoro baten moduan idatzi beharrik gabe, eta matekoak ere ez dakizkien eragiketak egiteko. Hemen uzten dizkizugu iOS eta Androiderako aplikaziorik onenetako batzuk, etxeko lanak egingo ez dizkizuten arren asko lagunduko dizutenak.

Eskolara itzultzeko doako aplikazio onenak iOS eta Androiden

Academons

Nork esan du matematika ikastea sagardotegirik gabeko igande bat baino aspergarriagoa dela? Bai zera! Eta zer esaten didazue gaztelaniaz, ingelesez edo natura-zientziaz?

Aplikazio honekin, etxeko txikiak era guztietako kontzeptuak eta ezagutzak harrapatuko ditu, eta hori Alde Zaharreko pintxo-arratsalde bat baino dinamikoagoak diren joko batzuei esker. Primerakoa da Lehen Hezkuntzan dauden umeentzat; bikain pasako dute ikasten duten bitartean!

Class Timetable

Sinplea da, baina eraginkorra, zurito on bat bezala. Class Timetable ezin hobea da ordutegiak ondo antolatuta eta eskura izan nahi dituen edozein ikaslerentzat. Interfaze soila du, baina, aldi berean, bisuala, txapela dotore horietako bat bezalakoa.

Eskolak egun eta asteka erregistratzen uzten dizu, eta, gainera, ederki etorriko zaizun zeregin-zerrenda batekin dator, lanekin ez nahasteko. A, eta ez ditzagun ahaztu klaseen jakinarazpenak, ahazten zaizunean kolpetxo bat ematen dizun lagun hori bezalakoak dira eta...

Google Drive

Hori ikasleen erabilera anitzeko labana bezalakoa da, benetan oinarrizkoa. Zergatik? Bada, praktikoa delako, doakoa, eta edozein gailutan balio dizulako, Benito Lertxundiren abestiak bezala; edozertarako balio dute!

Gainera, suite osoa du Docs, Sheets eta abarrekin; despistatuenak ere badaki erabiltzen. Eta Gmail, Calendar, Tasks, Keep eta Maps zerbitzu integratuak gehitzen badizkiozu... Pakete osoa daukazu ezer ez galtzeko! Zer gehiago eska liteke, e?

Notion

Hau aplikazio soil bat baino gehiago da, fundamentuz antolatzeko onena! Klaseko apunteak, taldeko lanak eta metatzen zaizun onlineko material-pila txukun edukitzeko ezin hobea.

Notion-ek aukera ematen dizu proiektuak kudeatzeko, orkestrako zuzendaria bazina bezala, eta baita oharrak, egutegiak eta gaikako wikiak sortzeko ere. Dena oso modu bisualean, Kontxako hondartzako udako egun bat baino argiago.

Gainera, bikain moldatzen da datu-baseekin, kalkulu-orriekin eta GTD online-zerbitzu ezagunenekin (Asana eta Slack, adibidez). Hori bai, ikaste-kurba ertaina du, baina pazientzia txorrotada on batek gainditu ezin duen ezer ez.

Photomath

Eragiketa matematiko batekin trabatu zara eta ez dakizu zertan ari zaren ere? Lasai, horretarako dago Photomath! Eragiketari argazki bat atera, eta app magiko honek segituan emango dizu irtenbidea.

Baina ez hori bakarrik, gainera pausoz pauso azaltzen baitizu nola lortzen den emaitza; horrela ez dago aitzakiarik ez ulertzeko. Oinarrizko eragiketak, hala nola zatikiak eta erroak, ekuazioak, grafikoak eta polinomioak ebazten ditu. Tira, lur orotako ibilgailu perfektua da adin guztietarako.

Quizlet

Afrikako hiriburu guztiak edo XX. mendeko gerren data garrantzitsuenak buruz ikasi nahi dituzu eta ez dakizu nola? Quizlet erreskatera! Fitxa batzuk prestatu, eta aplikazioa arduratuko da zuri proba egiteaz, pil-pilean dagoen bertsolari baten txisteak baino gehiago erakartzen duen trivial batekin.

Eta onena da test-sorta on batekin, gai askotako galderekin datorrela. Tira, honekin edozein gaitan txapeldun bihurtuko zara!

CamScanner

Oraindik paper eta dokumentu asko formatu fisikoan pilatzen dituzten horietakoa bazara, aspaldi behar zenuen mugikorrean CamScanner instalatuta. App hau bikaina da kalitate ezin hobean dokumentuak eskaneatzeko.

Gainera, argazki okerrak zuzen jartzen ditu, testua OCRarekin erauzten du, azpimarratzeko aukera dauka, eta dokumentuak formatu ezagunenetara esportatzeko aukera ematen dizu. Paper garrantzitsu bakar bat ere ez galtzeko luxua!

Change Dyslexia

Hemen dago Change Dyslexia, hezkuntzaren munduan gori-gorian dagoen tresna. Irakurtzeko eta idazteko trebetasunak hobetzeko zientifikoki baliozkotutako tresna bakarra da, eta ikerketaren emaitzak Dytective plataforman integratzen ditu.

40.000 ariketarekin, eta dislexia-arriskua detektatzeko teknikekin, plataforma hau harribitxi bat da familia, terapeuta eta ikastetxeentzat. Kaleratu zutenetik, ia 340.000 umeri lagundu die irakurtzeko eta idazteko gaitasunak hobetzen.

Eta ez hori bakarrik, UNESCOren sari bat jaso du hezkuntzarako AA erabiltzeagatik! Aitortza hori lortu duen Espainiako lehen instituzioa da. Lorpen handia!

AAko aplikazioak

Chat GPT, Bard, Luzia… hemen denak balio du! Adimen artifizialeko aplikazioak behar duzunean laguntzen dizuten lagun horien modukoak dira. Ikasgelan, eta hortik kanpo, ikasleek neurria hartu diote, eta danborradako danbor nagusi balira bezala erabiltzen dituzte: beti behar den erritmoan.

“Prompt” pare batek modu askotan lagundu dezake lanean: ideiak ematen, orientatzen, zerbait nola egin azaltzen, puntuak behar den tokian jarriz, edo informazioa egituratuz. Garrantzitsua da laguntza eskatzea, baina ez haiek gure lana egitea; bestela, ez ikasteko, ezagutza ez finkatzeko edo lan bat egiteko ahalegina baloratzeko arriskua izan dezakegu.

Laburbilduz, hezkuntza-teknologia txikientzako eta helduentzako tresna erabilgarri eta dibertigarriz beteta dago, jolastuz ikastetik hasi, eta hobeto antolatu eta komunikatzeraino. Eta ahalik eta gehien aprobetxatzeko, Guuk-en konexio azkar eta fidagarria bezalakorik ez dago. Gure tarifa eskuragarriekin, behar duzun guztia izango duzu beti konektatuta egoteko eta aplikazio hauetaz kezkarik gabe gozatzeko. Ezin errazagoa da!