Paris 2024 Joko Olinpikoak, esku-eskura

Kirolzale amorratua zara? Bada, gozatu Paris 2024 Joko Olinpikoekin. Urteko kirol-ekitaldi nagusia da; 10.000 atleta baino gehiago lehiatuko dira 50 diziplinatan. Onenetan onenak.

• Agile TVko zure telebista-zerbitzuko kanalak ugarituko ditugu Guuk-ekin

Laster beteko da Paris urrezko dominen bila doazen kirolariz. Berrehun herrialde baino gehiagotako kirolariek hartuko dute parte Batzorde Olinpikoak onartutako 32 kiroletan.

Parisen izango dira aurten, uztailaren 26tik abuztuaren 11ra bitartean. Guztira, 800 eduki-ordu baino gehiago.

Paris 2024 Joko Olinpikoak, esku-eskura

Guuk-ekin, oso erraza daukazu, lehiaketa osoa emango baitu Eurosporteko kanalen bidez.

Hain zuzen, zazpi kanal berri sortu ditu Eurosportek nahi duzun kirol guztia ikus dezazun, bakoitza diziplina bati edo diziplina multzo bati eskainia. Hala, errazago bilatuko duzu nahi duzuna.

Horietaz gain, Eurosport 4K kanala ere izango duzu, lehiaketako ekitaldi garrantzitsu guztiei eskainia. Bereizmen ezin hobea izango du (4K) xehetasunik gal ez dezazun.

Eurosport 1 eta Eurosport 2 kanalek ere izango dute beren tokia. Lehenak diziplina klasikoak izango ditu ardatz; bigarrenak, berriz, Espainiako atletei egingo die jarraipena. Hona hemen kanalei buruzko informazio guztia jasotzen duen taula bat.

Nork ikus ditzake Joko Olinpikoak Guuk-ekin?

Eta orain galdera da: nork ikus ditzake Joko Olinpikoak Guuk-ekin? Guuk-en TBko bezero guztiek ikusi ahal izango dituzte, inolako kostu gehigarririk gabe.

Kanal berriak laster izango dira martxan: uztailaren 26tik bertatik hasiko dira irekiera-zeremoniaren eta sugar olinpikoaren ingurukoak kontatzen. Jokoak amaitutakoan, kanal horiek desagertu egingo dira.