Itxi
Abuztua hilabete zirraragarria bihurtzen da Lizarrako 2024ko Festetan musuzapiak ateratzen dituzten lizarratarrentzat. Ospakizun, jarduera eta kontzertuen aste hau "Pañuelada" ezagunarekin hasiko da igandean, eta "Abadejada" ohikoarekin amaituko da ostegunean.
Gainera, ezin dituzu galdu "Bajadica del Puy" eta Larrain-dantza alaia. Hemen duzu abuztuaren 2tik 8ra izango diren 2024ko Lizarrako Festetako egitaraua: jarduera eta kontzertuen inguruko informazio osoarekin.
Lizarrako Festek hiria jaialdi sutsu baten giroan murgiltzen dute. Suziri iragarlearen tiroaz hasitako festetan, erraldoi eta buruhandien desfile eta guzti, dibertsioa ziurtatuta dago, ohiko “Pañuelada” eta guzti.
Gozatu musikaz, Larrain-dantzaz eta Puy eta Che jaitsiera enblematikoez. Alaitasunez eta tradizioz beteriko aste bat bizitzera gonbidatzen zaitugu Lizarratik!
Ba al dakizu noiz diren Lizarrako 2024ko festak? Aurten, San Andresen eta Puyko Ama Birjinaren omenezko ospakizunak abuztuaren 2tik 8ra izango dira.
Abuztuko lehen igandearen aurreko ostiralean hasten dira herriko festa hauek, eta etengabeko ekintzaz eta dibertsioz betetako astea eskaintzen dute. Presta zaitez zazpi jaiegun zirraragarriz gozatzeko, eta hemen duzu egunez egun galdu ezin duzunaren inguruko informazioa.
Lizarrako festak alaitasun- eta kolore-eztanda dira, eta ospakizun ugari izaten dira hirian. Aurten, abuztuaren 2an hasiko dira festak, eta ez dira 8ra arte amaituko. Prestatu zeure burua jardueraz, musikaz, dantzaz eta dibertsioz betetako astea bizitzeko. Hona hemen informazio gehiago datorkizun astearen inguruan
Udaletxeko balkoitik egingo da festei hasiera emango dien ohiko suziri-jaurtiketa. Aurten, ohorea Pablo Hermoso de Mendoza burtzikariak izango du.
Egunean zehar, kalean musika eta dantza izanago ditugu: Klarinete eta Tinbalarien Banda, herriko dantza taldeak eta gaitariak. Eta arratsaldean, erritmoz eta kolorez beteriko konpartsaren laguntzaz, ez galdu hirian zehar ibiliko diren erraldoi eta buruhandien desfilea.
Igandean, hiria gorriz jantziko da ohiko Pañuelada ospatzeko. Parte-hartzaileak festa-giroan egiten dute San Pedro de la Rua elizatik udaletxerainoko ibilbidea, musuzapiak eta gerriko gorriak astinduz, musika-bandarekin batera abesten eta dantzatzen duten bitartean. Festetako une pozgarri eta alaienetako bat, zalantzarik gabe.
Tradizioak aurrera jarraitzen du Bajadica del Puy ohikoarekin, non mutilak Puyko basilikatik jaisten diren dantzan kantari. Ostiralean gizonezkoen txanda da, eta larunbatean emakumezkoak arduratzen dira jaitsieraz. Puyko Andre Mariaren Basilikan abestuko diren Bezpera Nagusiek tradizio horri bidea irekitzen diote.
Ez galdu Bajadica del Che alaia. La Bota eta San Andres peñek alaitasunez beteko dituzte hiriko kaleak, Foruen plazatik abiatuta El Ché tabernaraino. Festa-giroaz gozatzeko eta lagunekin eta familiarekin une ederrak partekatzeko aukera ezin hobea da.
Gauero, 01:00etan, Foruen Plaza Larrain-dantzaren agertoki bihurtzen da. Ohiko dantza honi gaitek eta danbolinek laguntzen diote, galdu ezin duzun giro aparta sortuz.
Festak ongi amaitzeko, azken egunean Abadejada izango duzu zain. Ajoarriero erara egindako bakailao gozoagatik da ezaguna ekitaldia, eta, aurten, Viccoren kontzertu nagusia izango da. Amaiera bikaina, festaz beteriko aste paregabearentzat.
Beraz, badakizu: abuztuaren 2tik 8ra, Lizarra festa-giroan murgilduta egongo da! Ez galdu tradizioz, musikaz eta alaitasunez beteriko aste hau.
Gorago ikusi ditugun jarduerez gain, Lizarrako festen egitarau osoan egunero topa ditzakezun beste jarduera asko daude. Hemen uzten dizugu garrantzitsuenak biltzen dituen laburpena.
Tradizioz eta alaitasunez beteriko egunarekin hasiko dira Lizarrako Festak! Erraldoien ostiralak hasiera ofiziala emango die ospakizunei, udaletxeko balkoitik suziria botaz eta ekitaldiz betetako asteari hasiera emanez.
Egunean zehar, festetako ohiko musikaz, dantza eta desfile koloretsuez gozatuko duzu Erraldoi eta Buruhandien Konpartsarekin. Eguna amaitzeko, berbena zirraragarriak eta gaueko jarduerak izango dira, eta lehen egun hori festa ahaztezina izango da.
Eguna dianekin eta alboradekin hasten da, kaleak festa-musikaz bustiz. Presta zaitez ganaduaren lehen entzierroaz eta bigantxen askatzeaz biziki gozatzeko. Guztiok irrikaz itxaroten ari garen momentua.
Eguna aurrera doa: Zaindariaren omenezko Meza Nagusia eta kaleak kolorez eta erritmoz betetzen dituen Bajadica del Puy. Arratsaldea eta gaua erreserbatuta daude jai-giroari eusteko toreo-ekitaldi desafiatzaileetarako eta berbena dibertigarrietarako.
Abuztuak 4 - Igandea
Ospakizun eta tradizio handiko eguna da igandea Lizarran! Eguna dianekin eta alboradekin hasten da, eta, ondoren, hiriaren erdialdea zeharkatzen duen ganadu-entzierro zirraragarria egonen da. San Pedro Elizako Meza Nagusiak eta Magna Prozesioak herritarrak eta bisitariak biltzen dituzte desfile zirraragarri eta koloretsu batean.
Arratsaldeak dibertsio-konbinazio ezin hobea eskaintzen du umeentzako jarduerekin eta, zezen-plazan, pikatzailerik gabeko nobiladarekin. Eguna argi- eta musika-eztanda batekin itxiko da plazetako berbenetan.
Abuztuak 5 (Adinekoen Eguna)
Astelehena gure adinekoen omenezko eguna da, ekintza eta ospakizun bereziekin! Eguna dianekin eta alboradekin hasten da, jarraian Zezenkoen Entzierrotxoa dago, eta San Martin plazan jaietako hamaiketakoa.
Arratsaldea emozioz betetzen da zezen-plazako zezenketa mistoarekin, eta musikarekin eta dantzarekin jarraitzen dugu hiriko plaza nagusietan. Gure nagusiekin ezin hobeki ospatzeko eta gozatzeko eguna.
Eguna hasteko, zezenkoen Entzierrotxoa eta haurrentzako idi-entzierroa, etxeko txikiak akzioaren erdigunean jartzeko. Eguna gazteentzat bereziki pentsatutako jardueraz beteta dago, Haur Parke Handitik hasi eta Paella Lehiaketaraino.
Zezen Plazan Grand Prix zirraragarria izango da behiekin, eta gauez, musika eta dantzak izango dira familia osoarentzat. Txikienen poza bermatzen duen dibertsioz eta entretenimenduz beteriko eguna.
Eguna kultur jardueraz josita egongo da: Apar Festa eta Errekortari Lehiaketa, besteak beste, zezen-plazan. Gauak musika eta dibertsioa nahastuko ditu kontzertuekin eta goizaldera arte energia altu mantentzen duten DJekin. Egun ezin hobea jai-astea amaitzeko.
Kontzertuak beti dira jaietako erakargarri turistiko handienetako bat, ez baitira gutxiagorako. Aurten, galdu ezin dituzun emanaldi handiak ditugu.
Ez ahaztu konexioa ez dela kalean bakarrik bizi, zure egunerokoan ere badago eta. Guuk zure alboan dago urte osoan zehar. Festetako unerik onenak partekatuz edo maite dituzunekin egoteko, Guuk konexioa inoiz ez galtzeko aliatu perfektua da. Gertu egotea errazagoa baita Guuk-ekin!
Ekitaldi honek antzinako tradizioak elkartu eta bizia ematen die Zalduondon, desfileen, epaiketa sinbolikoen eta ikuskizun kulturalen bidez.
Baserritarren azoken, prozesioen eta bestelako ekimenen bidez, tradizio honek komunitateak elkartzen ditu eta euskaldunok naturarekin eta herri-kulturarekin dugun lotura ekartzen digu gogora.
Gipuzkoan badakigu ondo pasatzen: horretarako ditugu Donostiako Danborrada, sanblasak eta santomasak, adibidez.
Jaiak, kulturak eta tradizioak bat egiten dute urtero Zarauzko Aste Nagusian: kontzerturik onenak, ikuskizun piroteknikoa eta askoz gehiago.
Lekeitioko sanantolinak Euskadin eta estatu osoan ezagunak dira antzaren jai originalagatik.
Getxon mundu osotik etorritako 200 paella baino gehiago lehiatuko dira, epaimahaiaren aho-sabaia zeinek limurtuko.
