Itxi
Uztailaren 13tik 21era bitartean, onena emango du Barakaldok 2024ko Karmengo jaiak ospatzeko. Bizipozez eta kontzertuz betetzen da hiria egun horietan. Barakaldoko karmenak ospetsuak dira zuzeneko musikagatik, kultur ekitaldiengatik, kirol-lehiaketengatik eta gastronomia-lehiaketengatik. Festarako prest?
Karmenetako programak ez du aitzakiarik: 250 jarduera baino gehiago, gustu eta adin guztietarako. Ohiko erraldoiak eta buruhandiak, txikientzako jolasak eta tailerrak, marmitako onena egiteko lehiaketa, ikuskizun piroteknikoak eta nahi adina dantza, euskal dantzen erritmoan hasita. Horrela bizi dira jaiak Barakaldon.
Hainbeste dago egiteko eta ikusteko hiri industrial honetako Karmengo jaietan, guztiz ezinezkoa baita gustuko duzun zerbait ez aurkitzea! Horregatik, Bizkaiko jai maitatuenetakoak dira Barakaldokoak.
Hainbeste ekitaldirekin, guztiak ere kalitate handikoak, ez da harritzekoa urtero jende gehiago biltzea Barakaldoko jaietan. Arrazoi gehiago behar dituzu Barakaldoko karmenetara joateko?
Oraindik ez badituzu ezagutzen jaiok, hauxe duzu eskaintzen duten guztiaz gozatzeko egokiera. Kultura, tradizioa, bai eta gastronomia eta nahi adina dibertsio ere; ez dira, ez, txanda-pasa egitekoak Barakaldoko karmenak.
Karmengo jaien hasiera! Larunbata kuadrillen elkarretaratze eta jaitsierarekin hasten da, eta bizipozez betetzen dira kaleak. Jolin eta Deabruk emango diete hasiera jaiei; ondoren, pregoia, Laguntasuna taldearen eskutik, eta, gero, txupina botako du Ekologistak Martxan taldeak. Ikuskizun piromusikal ikusgarri batekin amaituko du gaua.
Mokadu goxoak eta lehia maite dituztenentzat da igandea. Eguna hasteko, XXII. marmitako-lehiaketa, eta, ondoren, Espainiako XVIII. tiragoma-txapelketa.
Musikaz eta tradizioz beteta dator astelehena. Gozatu kalean kalejira eta buruhandiekin. Eta gauez, egon prest zezensuzko ikusgarrietarako.
Kirol- eta tradizio-eguna da asteartea. Hartu parte ARTZIKIROLen futbol- eta eskubaloi- partida mistoetan. Ez huts egin meza nagusia eta eliz atarian dantzatzen den aurreskua. Eta eguna biribiltzeko, herri-bazkaria eta erromeria alaia.
Asteazkena Igel Txapelketarako zure abilezia erakusteko eguna da. Horretaz gainera, kaleak kolorez eta mugimenduz beteko dituen dantza-alardea ikusteko abagune egokia duzu.
Osteguna Gazte Eguna da, oso-osorik gazteentzat pentsatua. Ez huts egin VII. sardina-jana. Mokadu goxo-goxoak konpainiarik onenean dastatzeko parada.
Tradizioz gainezka dator ostirala, bertso-saioaren inprobisazio eta graziak txinpartak aterako baititu.
Gastronomiaren eta artisautzaren zaleentzat da igandea. Hartu parte tortilla- eta paella-lehiaketetan, ikusi zer eskaintzen duen artisautza-azokak eta erakutsi zeinen abila zaren bola-jokoaren txapelketan. Su artifizial ikusgarriek argituko dute Barakaldoko gaua.
Jaietako azken eguna, igandea, tradizioari eta agurrari eskainita dago. Ikusi nekazaritza-azoka, gozatu erraldoiekin eta esan agur Jolin eta Deabruri jai-amaierako txupinarekin. Datorren urtera arte!
Musika onik ez da faltakok Barakaldoko 2024ko Karmengo jaietan. Gorka Urbizu, Bulego, Iseo & Dodosound, Belén Aguilera eta Los Toreros Muertos (Pablo Carbonellen taldea) izango dira 2024ko karmenetako gaurik onenetako protagonistak.
Udaleko Jai Batzordeak osatu du jada aurtengo kontzertuen zerrenda. Urteroko dantza-emanaldiaz gain, aurten, En Ezencia orkestra ere arituko da, eta Barakaldoko Udal Musika Bandak kontzertu Eurosinfonikoa eskainiko du, hots, Eurovisioneko abestiekin osatutako kontzertu sinfonikoa.
Ez huts egin 2024ko Barakaldoko jaiak! Elkarrekin, aste ahaztezina pasatuko dugu. Eta, une oro konektatuta egoteko, esku-eskura dauzkazu Guuk-en tarifak.
Haren plan ekonomikoei eta kalitatezko estaldurari esker, karmenetako une denak etxekoekin eta lagunekin partekatzeko moduan egongo zara. Bidali Herriko Plazako kontzertuetako argazkiak, edo txateatu eguneko jarduerei buruz! Aurtengo udan, bizi festa topera eta egon konektatuta Guuk-ekin. Barakaldon ikusiko dugu elkar!
Bizi topera Karmengo jaiak; ekitaldi dibertigarriz beteta datoz: azoka sortzailea, pilota-partida eta nahi adina musika.
Aurtengo jaiak txupinazoarekin hasiko dira, eta momentu ikonikoak izango ditugu Manel Fuentesekin edo Zetak taldearekin.
Madalena jaietan, itsas erromeria, teila-jaurtiketa eta aurreskua egiten dira, besteak beste.
Loiolako Santutegian, askotariko erakargarritasun turistikoak ageri dira uztarturik, hala nola erlijiosoak, arkitektonikoak eta naturalak. Konplexu horretan, nabarmentzekoak dira kupula, iruditeria eta San Ignazioren etxea.
Mundaka Euskadiko kostaldeko herri xarmagarri bat da eta San Pedro jaiak kulturaren eta tradizioaren adibide garbia dira. Urtero, ekainaren ...
Santimamiñe haitzuloa Bizkaiko kulturaren paregabeko ikono bat da, Goi Paleolitoko aztarnak eta labar-margoak direla-eta.
