Itxi
Euskadin, gastronomia artea da, eta, pintxoak, showaren benetako izarra. Hemen inguruan bazabiltza, gilda ospetsua alde batera utzi eta ohiko gauzez gain ere jatera ausartu behar duzu. Bidaia honetan, zapore-mundu batean murgilduko gara, eta ezustekorik onena emango diozu dastamenari.
Pintxo tradizionaletatik hasi eta tabernetako proposamenik berritzaileenetara, ezin zabalagoa da aukera: gure lurrak bustitzen dituen kostaldea bezainbatekoa. Beraz, presta zaitez oturuntza guztiz goxo baterako, hemen pintxoak aperitibo hutsa baino askoz gehiago baitira. Elkarrekin ezagutuko ditugu ezin galduzko zaporeak!
Euskadin oso ohikoa da kuadrillarekin arratsalde ederrak pasatzea txakolina eta pintxo batzuk hartuz..., baina beti gildak jatea nekagarri samarra da. Horregatik, aldatzea gustagarria denez, atera zure libreta edo WhatsAppeko zure txata, eta apuntatu hauek guztiak:
Bilbo, Donostia eta Gasteizko pintxorik onenak: lehen begiratuan harrapatzen zaituen eta zure ahosabaian geratzen den euskal janaria. Hemen inguruan ihesaldi bat, oporralditxo bat, edo, besterik gabe, asteburu bat pasatzeko asmoa baduzu, badakizu nahitaezkoa duzula tarte bat hartzea pintxorik onenak dastatzeko.
Tipikoena probatu gabe gera ez zaitezen, ezin galduzko batzuk hautatu ditugu.
Nahiz eta ez izan pintxorik originalena, klasiko bat da gilda, eta ezin da faltatu zure ibilbidean. Rita Hayworth protagonista duen pelikulatik datorkio izena; esaten dutenez, ezaugarri berak ditu: “grazia du, berdea da eta apur bat pikantea”.
Normalean, olibaz, piperminaz eta antxoaz osatua dago, edo beste arrain-kontserbaren batez. Goxo-goxoa!
Kokotxak itsasoko altxorretako bat dira gure sukaldaritzan. Arrainen parte mamitsu horiek, barbularen azpian eta zakatzak baino lehen kokatuak, benetako gozamena dira.
Preziatuenak legatzarenak eta bakailaoarenak dira; azken horiek gelatina gehiago dute eta kolore arrosakaragoa. Mila modutan goza daitezke: arrautzaztatuak, saltsa berdean, pilpilean, donostiar eran... Ez utzi probatu gabe!
Patata-tortilla ere ezinbestekoa da gure artean. Hala ere, osagai harrigarriz beteta aurkitzea da ohikoena. Ez galdu aukera eta probatu guztiak.
Gehien eskatzen denetako bat txatkaz —karramarro makilatxoz—, maionesa pixka batez eta izokinaz osatutakoa da. Ukitu zoragarria du aldaera berezi horrek! Gainera, tabernetako barra askotan bereizirik aurkituko duzu.
Txangurrua —gaztelaniaz, centollo— mila modutan prestatzen da. Formarik tipikoena eta gozagarriena tartaletan edo hostorean prestatua da, eta Bilboko Plaza Barriko klasiko bat da. Pintxo horrekin atzamarrak milikatuko dituzu.
Gastronomiaren esparrutik kanpo, txapela gure kapela bereizgarria da, baina, horrez gain, pintxo aski trinko bat ere bada. Ogi-opil beteei esaten zaie "txapela", eta ezin hobeak dira urdaila betetzeko.
Bestalde, traineruak gure gure kostaldeko ohiko ontziak dira, noski, baina gaur egun muketa bihurtu dira, eta euskal gastronomiaren gutizietarako oinarri gisa erabiltzen dira, bakailaoari, ajoarrieroari, ahate- eta txanpiñoi-nahaskiei eta besteri laguntzeko. Sukaldariaren sormena da muga bakarra!
Bilbainitoa sinpletasunaren erregea da. Zotz batean zerbitzatutako pintxo honek otarrainxka egosi bat eta arrautza gogor erdia konbinatzen ditu, eta, borobiltzeko, maionesaz eta gorringo egosi birrindu pixka batez estalia dago. Diotenez, Iñaki Azkuna alkateak bataiatu zuen gutizia hau Bilbainito izenarekin. Garai hartan, Bizkaiko hiriburuan, gaur egun pintxo esaten diogunari banderilla esaten zitzaion.
Txistorra klasiko bat da Euskadiko eta Nafarroako gastronomian. Txerriki-saltxitxa bat da, gorri bizia, eta zoragarria plantxatik atera berritan ogi-xerra baten gainean zerbitzatua. Baina taberna askotan ukitu berezi bat gehitzen diote: galeper-arrautza bat gainetik. Ikusgarria da emaitza!
Kilkerra oso pintxo bilbotarra da, eta ezin duzu probatu gabe utzi. Letxuga-hosto kurruskariz, tipulinaz eta azalarekin egositako patataz osatua dago, dena zotz luze batean sartua. Gatz pixka bat eta oliba-olio txorrotadatxo bat, eta ahora eramateko prest! Diotenez, murtxikatzean letxugak egiten duen soinutik dator izen hori.
Euskadiko barretan, txanpiñoia osagai izarretako bat da. Taberna bakoitzak bere bertsioa du, baina urdaiazpikoa duen konbinazioa da ezagunena.
Lehenik, txanpiñoien kapelak baratxuriarekin salteatu, gero ogi-xerra bat alioliarekin igurtzi, txanpiñoia gainean jarri eta urdaiazpiko xehatuarekin hautseztatu. Taberna askok baratxuriz, piperminez eta tomatez osatutako olio errea eransten diote, baita otarrainxka bat ere, eta mailaz igotzen dute horrela.
Antxopia Gasteizko pintxo klasiko bat da, behi probatuta errepikatzeko gogoa emango dizuna. Ogi-xerra baten gainean eta pikillo-piperren oinarri batean, antxoa, arrautza egosi xehatua, baratxuri-olioa eta maionesa pixka bat gehitzen dira. Zapore-eztanda mokadu bakoitzean!
Aipatutakoez gain, badira beste pintxo batzuk ere, edozein tabernatako barran ikusiko dituzunak, horiek ere probatu beharrekoak gure gastronomia aberatsaz are gehiago gozatzeko, dagoeneko probatu ez badituzu.
Argi dago: gero eta pintxo gehiago dago gure tabernetan. Sormena eta berrikuntza bizi-bizi daude euskal sukaldaritzan. Chefak ahalegintzen dira klasikoak berrasmatzen eta ahosabaia harrituko duten konbinazio berriak eskaintzen.
Eta, gastronomia-esperientzia honetaz guztiaz kezkarik gabe gozatzeko, ez ahaztu Guuk-en tarifak! Prezio egokiekin, Interneterako konexio on bat izango duzu eta berrikuntza eta gomendio gastronomiko guztien berri izan.
Guuk-ekin, pintxo-ibilbiderik onenak eta berrienak eskura izango dituzu beti
Edozein lekutan jan ditzakezun gilda tipikoez gain, euskal gastronomian badira ohiko beste pintxo batzuk ere, probatu beharrekoak. Adibidez, txangurroa eta antxopia.
Plentzia toki aproposa da euskal kostaldea bisitatu eta historiaz zein surf- eta hondartza-plan ederrez gozatzeko.
Euskadik biziki eman zion atentzioa idazle eta kazetari estatubatuarrari, eta behin baino gehiagotan etorri zen gure bazterrak bisitatzera.
Euskadiko paradisu berde handi honen barruan topa dezakezu bitxirik, hala nola Gorbeiako Gurutzea eta Belaustegiko pagadia eta ur-jauzia.
Koba horiek bisitatzean, Euskal Herriko kultura, historia eta tradizioak oso presente dauden lurralde bat ezagutuko duzu.
Gipuzkoan badakigu ondo pasatzen: horretarako ditugu Donostiako Danborrada, sanblasak eta santomasak, adibidez.
